Mitrapalit Minski i Zasłaŭski, patryjaršy ekzarch usiaje Biełarusi Pavieł zastajecca hramadzianinam Rasii, ale ŭžo atrymaŭ paśviedčańnie na žycharstva ŭ Biełarusi. Pra heta jon paviedamiŭ na pres-kanfierencyi ŭ Minsku 20 studzienia.
«Vy ž viedajecie, što adrazu hramadzianstva nielha atrymać. Jość śpiecyjalnaja pracedura. Mnie niadaŭna zhodna z hetaj praceduraj vydadziena paśviedčańnie na žycharstva na dva hady. Praz dva hady budzie čarhovaja pracedura — tam potym na piać hadoŭ vydaduć, a potym budzie ŭstavać ŭžo pytańnie ab hramadzianstvie», — skazaŭ jon žurnalistam.
Patryjaršy ekzarch padkreśliŭ, što źjaŭlajecca «takim ža čałaviekam, jak i ŭsie astatnija», i pavinien prytrymlivacca patrabavańniaŭ ab znachodžańni ŭ Biełarusi.
Zhodna z artykułam 13 zakona «Ab svabodzie sumleńnia i relihijnych arhanizacyjach» kiraŭnikom relihijnaj arhanizacyi ŭ Biełarusi «moža być tolki hramadzianin Respubliki Biełaruś».
Mitrapalit Pavieł uznačaliŭ Biełaruskuju pravasłaŭnuju carkvu ŭ kancy 2013 hoda, kali pryjechaŭ z Rasii. U studzieni 2014 hoda jon zajaviŭ, što hatovy pryniać biełaruskaje hramadzianstva, nie admaŭlajučysia ad rasiejskaha, kab dakazać, što jon «tut nie dačaśnik». Varta adznačyć, što pa zakanadaŭstvie hramadzianinam Biełarusi moža stać čałaviek, jaki nie maje hramadzianstva albo admaŭlajecca ad hramadzianstva inšaj krainy, kab atrymać hramadzianstva Respubliki Biełaruś.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary