Daktary pradkazvali jamu ŭsiaho niekalki hadoŭ žyćcia, kali Chokinhu spoŭniŭsia 21. Ciapier jamu 72, jon prafiesar Kiembrydžskaha ŭniviersiteta i adzin z samych viadomych fizikaŭ u śviecie. U 2015 na ekrany vyjšaŭ film «Teoryja ŭsiaho», pryśviečany žyćciu Styviena. «Naša Niva» prapanuje 11 cikavych cytataŭ navukoŭcy.
Pra invalidnaść
Maja parada dla ŭsich ludziej z abmiežavanymi mahčymaściami - skancentravacca na tym, što vy pa-raniejšamu možacie rabić dobra. Nie stanaviciesia abmiežavanymi ducham.
Ab pryjarytetach
Maja meta prostaja - zrazumieć, čamu Suśviet taki, jaki jość, i čamu jon isnuje naohuł.
Pra nakanavanaść
Ja zaŭvažyŭ, što navat ludzi, jakija śćviardžajuć što ŭsio pieradvyznačana i my nie možam ni na što ŭpłyvać, hladziać pa bakach pierad tym, jak pierajści darohu.
Pra humar
Žyćcio było b trahičnym, kali b nie było śmiešnym.
Pra svoj IQ
Ja nie viedaju, jaki ŭ mianie IQ. Ludzi, jakija im chvalacca, — łuzery.
Pra što jon dumaje kožny dzień
Žančyny. Jany absalutnaja zahadka.
Try parady svaim dzieciam
Pieršaje — nie zabyvajcie hladzieć na zorki, a nie ŭniz na svaje nohi. Pa-druhoje, nikoli nie admaŭlajciesia ad pracy. Praca daje sens i metu, žyćcio bieź jaje pustoje. I apošniaje — kali vy dastatkova ŭdačlivyja, kab znajści kachańnie, pamiatajcie, što jano jość, i nie kidajcie jaho.
Pra toje, čamu jon piša dla šyrokaj aŭdytoryi
Ja prykłaŭ šmat namahańniaŭ, kab napisać «Karotkuju historyju času», kali ja byŭ u krytyčnym stanie ź pnieŭmanijaj», bo, ja dumaŭ, heta važna dla navukoŭcaŭ, kab rastłumačyć maju pracu, asabliva ŭ kasmałohii. Ciapier heta daje mnohija adkazy na pytańni, jakija raniej zadavalisia relihii.
Pra vartaść teoryi Strunaŭ
Kali my zrazumiejem teoryju Strunaŭ, my budziem viedać, jak pačaŭsia Suśviet. Heta nie paŭpłyvaje mocna na toje, jak my žyviem, ale my zrazumiejem, adkul my pryjšli i čaho my možam čakać.
Pra ŭłasnaje zdaroŭje
Kali ŭ mianie vyjavili bakavy amiatrafičny skleroz (u fond baraćby ź mienavita hetaj chvarobaj źbirali hrošy ŭdzielniki suśvietnaha fłešboku z ablivańniem chałodnaj vadoj u 2014) lekary davali mnie 2 hady. Ciapier, praz 45 hod, ja adčuvaju sabie vielmi dobra.
Pra Boha
Boh moža i isnuje, ale navuka moža patłumačyć Suśviet i nie maje patreby ŭ «stvaralniku».
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja46
Kamientary