Hałoŭny terapieŭt Ministerstva achovy zdaroŭja Volha Maršałka prapanavała raźmiarkoŭvać 100% maładych śpiecyjalistaŭ na pieršaje pracoŭnaje miesca ŭ arhanizacyi achovy zdaroŭja, jakija zabiaśpiečvajuć akazańnie piarvičnaj miedycynskaj dapamohi, z abaviazkovaj adpracoŭkaj na praciahu piaci hadoŭ.
Pra heta jana paviedamiła 5 sakavika na naradzie pa vynikach pracy terapieŭtyčnaj słužby za 2014 hod, adznačyŭšy, što havorka idzie ab pierśpiektyvie.
Pavodle słoŭ hałoŭnaha terapieŭta, «dobrym śpiecyjalistam ci śpiecyjalistam z peŭnym vopytam možna stać tolki praź piać hadoŭ». Jana adznačyła, što vypuskniki navučalnych ustanoŭ –– adukavanyja śpiecyjalisty, u jakich niama vopytu, a heta «ŭ peŭnych momantach maje rolu i źjaŭlajecca asnovatvornym faktaram».
Na praciahu piaci hadoŭ pracy miedyk atrymlivaje katehoryju, jak praviła, druhuju. Praz hety čas, skazała hałoŭny terapieŭt, «śpiecyjalista možna adpraŭlać akazvać śpiecyjalizavanuju dapamohu na ŭzrovień, dzie patrabujucca nie tolki viedy, ale i vialiki prafiesijny vopyt».
Ciapier vypusknik biudžetnaha adździaleńnia dzionnaj formy navučańnia VNU adpracoŭvaje pa raźmierkavańni dva hady, a SSNU — adzin hod. Na praciahu jašče adnaho hoda miedyki prachodziać internaturu.
Jak paviedamlałasia raniej, bolšaść vypusknikoŭ miedycynskich VNU adpracoŭvajuć naležny termin pa raźmierkavańni, vypadki admovy redkija, jak i vypadki daviadzieńnia spravy da suda.
Pytańnie pra źmianieńnie zakanadaŭča zamacavanaj normy ŭ bok pavieličeńnia ci pamianšeńnia terminu adpracoŭki ŭ Minadukacyi nie abmiarkoŭvajecca. Na sustrečy ź jeŭrapiejskimi ekśpiertami 4 sakavika ministr adukacyi Michaił Žuraŭkoŭ skazaŭ, adkazvajučy na pytańnie pra mahčymyja źmianieńni ŭ instytucie raźmierkavańnia, što jany nie płanujucca. Raźmierkavańnie –– heta harantyja davańnia pieršaha pracoŭnaha miesca vypuskniku, skazaŭ ministr.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary