Rasija nie budzie štučna abmiažoŭvać abjomy pastaŭki nafty ŭ Biełaruś u suviazi sa skaračeńniem pastavak biełaruskich naftapraduktaŭ u RF, zajaviŭ žurnalistam 16 sakavika ŭ Cichvinie (Leninhradskaja vobłaść) vice-premjer Arkadź Dvarkovič.
«My nie budziem štučna abmiažoŭvać (pastaŭki nafty). U nas heta tema adrehulavanaja sumiesnymi pratakołami. Adchileńnie ad dahavornych abjomaŭ pastavak bienzinu mahčyma, kali adbyvajecca rezkaje adchileńnie našych unutryrasijskich cen na bienzin ad net-back (adymańnie mytnaj pošliny z ekspartnaj cany). Ciapier takoje adchileńnie jość značnaje, tamu źnižeńnie pastavak abjektyŭnaje», — skazaŭ vice-premjer.
Pavodle słoŭ Dvarkoviča, analiz rynku pakazvaje, što ŭ Rasii niama deficytu naftapraduktaŭ. «Pakul hetyja pastaŭki ź Biełarusi nie źjaŭlajucca krytyčnymi», — skazaŭ čynoŭnik, adznačyŭšy, što nijakich simietryčnych mier u adkaz pryniata rasijskim bokam nie budzie.
Nahadajem, 16 sakavika hazieta «Viedomosti» paviedamiła, što Biełaruś admaŭlajecca pastaŭlać u Rasiju naftapradukty va ŭzhodnienych raniej abjomach, što źviazana z padzieńniem cen i kursu rubla na rasijskim rynku.
Kamientary