UEFA nie stanie razvodzić zbornyja Rasii i Ukrainy pa roznych hrupach na čempijanacie Jeŭropy pa futbole 2016 hoda, kali abiedźvie hetyja kamandy prabjucca ŭ finalnuju častku turniru.
Jeŭra-2016 projdzie ŭ Francyi. Siabra vykankama UEFA Francišak Łaŭryniec zajaviŭ, što na niejtralnym poli Rasija i Ukraina mohuć zhulać.
«Kali abiedźvie kamandy kvalifikujucca, ja nie baču prablemy ŭ tym, što jany mohuć sustrecca ŭ adnoj hrupie», — skazaŭ Łaŭryniec u kułuarach pasiadžeńnia vykankama UEFA, na jakim prysutničali rasijskija i ŭkrainskija delehaty.
Paśla dałučeńnia Kryma da Rasii UEFA vyrašyła raźvieści rasijskija i ŭkrainskija kłuby, a taksama nacyjanalnyja zbornyja va ŭsich jeŭrapiejskich spabornictvach. U pryvatnaści, kamandy z Rasii i Ukrainy byli raźviedzienyja pa roznych parach pry losavańni matčaŭ Lihi Jeŭropy. U čverćfinały hetaha turniru prajšli picierski «Zienit», kijeŭskaje «Dynama» i dnieprapiatroŭski «Dniepr».
U adboračnym turniry da čempijanatu Jeŭropy 2016 hoda Rasija i Ukraina znachodziacca na trecich miescach u svaich hrupach. Rasija paśla čatyroch matčaŭ nabrała 5 ačkoŭ, sastupajučy Aŭstryi (10 ačkoŭ) i Šviecyi (6 ačkoŭ). Ukraina z 9 ačkami paśla čatyroch matčaŭ sastupaje Słavakii (12 ačkoŭ) i Ispanii (9 ačkoŭ, ale lepšaja ŭ paraŭnańni z Ukrainaj roźnica zabitych i prapuščanych hałoŭ).
Kamientary