Vy nie zachočacie žyć na HD189733b. Dy i nie zmožacie.

Navukoŭcy padrabiazna apisali piakielnyja ŭmovy na ekzapłaniecie HD189733b ŭ suzorji Lisički ŭ časopisie Astrophysical Journal Letters.
Chutkaść vietru ŭ vierchnich płastach atmaśfiery płaniety składaje 8±2 km/s (kiłamietry na siekundu!). Tempieratura — ad 7 da 15 tysiač hradusaŭ (Celsija ci Kielvina — užo nie istotna).
Źviestki pra «piakielnuju płanietu» dastatkova dakładnyja z ulikam adlehłaści: ad Ziamli da HD189733b 63 śvietłavych hady. Płanieta jość «haračym jupitaram», pa pamierach troški bolšym za Jupitar z našaj Soniečnaj sistemy. Da svajho Sonca (zorki HD189733) płanieta u 30 raz bližej, čym Ziamla da Sonca. Hod (poŭny abarot vakoł śviaciła) u HD189733b doŭžycca dva z pałovaj ziamnych dni.
Daviedacca stolki pra HD189733b dazvoliŭ aparat HARPS (High Accuracy Radial velocity Planet Searcher) u absiervatoryi Ła-Silja, Čyli. Prybor vyvučyŭ śpiektry natryja, što ŭtrymlivajecca ŭ atmaśfiery «piakielnaj płaniety».
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary