Znakamitaja finskaja kampanija Nokia siońnia adznačaje svajo 150-hodździe. Pradpryjemstva było zasnavana 12 maja 1865 hoda i z tych časoŭ nieadnarazova źmianiała svaju śpiecyjalizacyju.
Pieršapačatkova kampanija zajmałasia vytvorčaściu papiery, a svaju sučasnuju nazvu atrymała ŭ 1871 — Nokia Ab. U 1902 hodzie jašče adnym vidam dziejnaści Nokia Ab stała vypracoŭka elektraenierhii.
U 1922 hodzie, paśla źlićcia z Finnish Rubber Works i Finnish Cable Works, Nokia Ab stała vyrablać taksama humovyja vyraby (ciapier heta viadomaja aŭtaamataram kampanija Nokian), kabieli i elektroniku. Paźniej u śfieru intaresaŭ Nokia Ab trapili palaŭničyja strelby, płastyki i chimičnyja materyjały.
U 1980-ch Nokia Ab pačała aktyŭna raźvivać raspracoŭku i vytvorčaść elektroniki. Da 1987 hoda asnoŭnym biznesam kampanii stanovicca bytavaja elektronika — kampanija stała trecim pa vieličyni vytvorcam televizaraŭ u Jeŭropie.
Ale my viedajem finskuju kampaniju nie pa humovych vyrabach i televizarach, a pa mabilnych telefonach i smartfonach. Kaliści Nokia była lidaram i na tym i na inšym rynkach, adnak pa šerahu pryčyn straciła pieravahu pierad kankurentami, a zatym i zusim pradała svajo mabilnaje padradzialeńnie Microsoft za 7,18 młrd dalaraŭ.
Apošnija smartfony z łahatypam Nokia źjavilisia na rynku ŭ minułym hodzie — imi stali Nokia Lumia 730, Lumia 735 i Lumia 830.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary