Need for Speed vierniecca da vytokaŭ Underground
Honki adkociacca da piku svajoj papularnaści.
Kampanija Electronic Arts anansavała vypusk čarhovaj videahulni sieryi Need for Speed. Novaja častka stanie pierazapuskam sieryi dy viartańniem da tematyki strytrejsinhu, papularyzavanaj Need for Speed: Underground, piša Eurogamer.
Jak i ŭ kłasičnym Underground 2, honki buduć prachodzić u adkrytym śviecie načnoha miehapolisa na strytrejsinhavych aŭto, jakija hulcam dazvolać madyfikavać da najdrabniejšych detalej. Nazva novaj hulni — prosta Need for Speed, biez padzahałoŭkaŭ.
Novaj hulni abiacajuć i zachaplalny siužet.
Słavutaja sieryja Need for Speed nie była adnarodna papularnaj, z 1994 hoda pieražyvała ŭźloty i padzieńni. Need for Speed: Underground 2003 hoda i Underground 2 2004-ha byli chiba nie samymi paśpiachovymi hulniami. Tamu paspryjała i papularnaść filmaŭ «Farsaž» — jany razam z Need for Speed paspryjali źjaŭleńniu šmatlikich madyfikavanych i rasfarbavanych aŭto na vulicach realnych haradoŭ.
A voś apošniaja ŭ sieryi na siońnia, Need for Speed: Rivals 2013-ha hodu, była praktyčna pravalnaj. Papiarednija hulni taksama nie mahli pachvalicca asablivaj papularnaściu — paśla Underground 2 raspracoŭščyki sychodzili ŭsio dalej ad vuličnych honak dy prasunutaha ciuninhu aŭto.
Raspracoŭkaj novaj Need for Speed zojmiecca kampanija Ghost Games — taja samaja, što raspracavała Rivals. Vialiki anons hulni projdzie 15 červienia. Hulnia maje vyjści ŭvosień dla Windows, Xbox One i Playstation 4.
Kamientary