Apieratyŭniki kryminalnaha vyšuku Centralnaha RUUS Minska ŭstanavili i zatrymali dvuch chłopcaŭ i dziaŭčynu, jakija padazrajucca ŭ kradziažy rečaŭ ź jačejki kamiery zachoŭvańnia adnaho z handlovych centraŭ prykładna na 7 młn rubloŭ. Akazałasia, što zatrymanyja chłopcy sami pracujuć achoŭnikami ŭ inšym staličnym handlovym centry.
Jak paviedamlaje HUUS Minharvykankama, u milicyju źviarnułasia dziaŭčyna, jakaja prasiła dapamohi ŭ vyšuku jaje rečaŭ (skuranoj kurtki, kaśmietyki i soncaachoŭnych akularaŭ), vykradzienych z kamiery zachoŭvańnia handlovaha centra, raźmieščanaha pa praśpiekcie Pieramožcaŭ.
Pry analizie zapisaŭ z kamier videanazirańnia handlovaha centra ŭ pole zroku apieratyŭnikaŭ trapili maładyja ludzi, jakija adčynili čužuju kamieru zachoŭvańnia i dastali ź jaje rečy. Paźniej vyśvietliłasia, što jany skarystali kluč ad svajoj kamiery zachoŭvańnia.
U vyniku apieratyŭna-vyšukovych mierapryjemstvaŭ asoby maładych ludziej byli ŭstanoŭlenyja. Dva 21-hadovyja maładyja čałavieki pracujuć achoŭnikami ŭ adnym sa staličnych handlovych centraŭ, dziaŭčyna, ich ravieśnica, vučycca ŭ instytucie.
U dačynieńni da ŭsich troch raspačata sprava pa č. 2 art. 205 KK (kradziež, učynieny hrupaj asob). Im pahražaje da čatyroch hadoŭ pazbaŭleńnia voli.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary