BČ pačnie pracavać u adnym časavym režymie z čyhunkami jeŭrapiejskich krain
BČ pačnie pracavać u adnym časavym režymie z čyhunkami jeŭrapiejskich krain
«Raniej čyhunačniki ŭvodzili novy hrafik pajazdoŭ adzin raz u hod u mai, ale hety hrafik davodziłasia karekciravać jašče i ŭ śniežni, kali svaje raskłady ruchu pajazdoŭ uvodzili ŭ dziejańnie čyhunki krain Jeŭropy. Ciapier my budziem pracavać u adnym časavym režymie z čyhunkami jeŭrapiejskich krain. Novy hrafik ruchu pajazdoŭ na 2015-2016 hod, a taksama płan farmiravańnia hruzavych pajazdoŭ i vahonaŭ z kantejnierami ŭ mižnarodnych znosinach ustupić u siłu z 00.00 hadzin 13 śniežnia 2015 hoda», - rastłumačyli ŭ BČ.
«Heta daść mahčymaść značna spraścić rabotu pa ŭzhadnieńni hrafika ruchu pajazdoŭ, farmiravać tyja abo inšyja maršruty ŭ adpaviednaści z ekanamičnaj metazhodnaściu i paramietrami biudžetaŭ čyhunak, a taksama źmienšyć nieabchodnaść dadatkovych uzhadnieńniaŭ i karekcirovak hrafika ruchu pajazdoŭ. Dziakujučy pryniatamu na 61-m pasiadžeńni Savieta rašeńniu rabota pa farmiravańni i ŭzhadnieńni maršrutaŭ pajazdoŭ pavinna stać bolš efiektyŭnaj», - padkreślili ŭ BČ.
U pres-słužbie adznačyli, što ciapier śpiecyjalisty Biełaruskaj čyhunki prymajuć udzieł u rabocie kamisij pa razhladzie prapanoŭ čyhunačnych administracyj dziaržaŭ - udzielnic Sadružnaści pa raspracoŭcy hrafika ruchu pajazdoŭ na 2015–2016 hady.
Rašeńnie ab pieranosie terminu ŭvodu novaha hrafika ruchu pajazdoŭ z apošniaj niadzieli maja, jak heta było raniej, na druhuju niadzielu śniežnia było pryniata na 61-m pasiadžeńni Savieta pa čyhunačnym transparcie dziaržaŭ - udzielnic Sadružnaści, jakoje adbyłosia ŭ kastryčniku minułaha hoda ŭ Baku.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary