Biełaruś płanuje stvaryć aŭtsorsinhavuju kampaniju AAT «BiełAZ» u Indaniezii, paviedamiŭ premjer-ministr Andrej Kabiakoŭ 25 maja u Minsku na sustrečy sa śpikieram Rady rehijanalnych pradstaŭnikoŭ Narodnaj kansultatyŭnaj asamblei Respubliki Indaniezija Irmanam Husmanam, paviedamlaje pres-słužba ŭrada.
«My bačym pierśpiektyvu stvareńnia aŭtsorsinhavaj kampanii AAT «BiełAZ» i sumiesny ŭdzieł u zdabyčy karysnych vykapniaŭ u Indaniezii. Viaducca pieramovy ab pastaŭkach pasažyrskaj i hruzavoj techniki AAT «MAZ», — skazaŭ Kabiakoŭ.
«Sumiesnyja pradpryjemstvy, prajekty dazvolać razam vykarystać pieravahi kožnaha z bakoŭ i atrymać bolš prybytku», — miarkuje premjer-ministr.
Kabiakoŭ zaznačyŭ, što Biełaruś razhladaje Indanieziju jak pierśpiektyŭnaha partniora ŭ Paŭdniova-Uschodniaj Azii, u tym liku ŭ handlova-ekanamičnym płanie. Tavaraabarot dźviuch krain z 1,8 młn. dołaraŭ u 1995 hodzie vyras da 215 młn. u 2014-m. «Ale heta značna nižej za patencyjał Indaniezii i Biełarusi», — miarkuje Kabiakoŭ. Jon prapanavaŭ «ad handlu pierachodzić da pahłyblenaha inviestycyjnaha i navukova-techničnaha supracoŭnictva».
Kankretnyja prajekty z partniorami realizujucca ŭ Indaniezii. Dla ich raźvićcia, na dumku premjer-ministra, važnaja padtrymka kiraŭnictva hetaj krainy.
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta6
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary