«Achova ptušak Baćkaŭščyny» zapuskaje prajekt «Vyratuj arlania»
Hramadskaje abjadnańnie «Achova ptušak Baćkaŭščyny» zapuskaje prajekt «Vyratuj arlania», skiravany na spynieńnie źmianšeńnia kolkaści vialikaha arlaca ŭ Biełarusi.
Jak raspaviali ŭ arhanizacyi, kožny moža paŭdzielničać u vyratavańni hetaha vidu ptušak i pieraličyć hrošy na realizacyju prajekta tryma sposabami. Supracoŭniki HA «Achova ptušak Baćkaŭščyny» buduć pravodzić manitorynh terytoryj, raźviešvać štučnyja hniazdoŭi, sadziejničać adnaŭleńniu nizinnych bałot — naturalnych miescaŭ pražyvańnia hetaha vidu, sadziejničać rehistracyi i pieradačy pad achovu miescaŭ pasialeńnia vialikich arlacoŭ.
Prajekt «Vyratuj arlania» budzie realizavany da siaredziny vieraśnia 2015 hoda. Uviesnu 2016 arhanizacyja praviadzie paŭtornaje daśledavańnie i acenku vynikaŭ niezdavańnia paśla realizacyi prajekta.
Kolkaść vialikaha arlaca imkliva skaračajecca va ŭsioj Jeŭropie. Pryčyna prostaja: źnikajuć asnoŭnyja miescy ich raśsialeńnia — naturalnyja nizinnyja bałoty. U Jeŭropie ŭsio mielijaravana, i ptuškam prosta niama dzie žyć. Jašče adna asablivaść vidu: jon nie lubić prysutnaści čałavieka na hniezdavym učastku. Patryvožanyja arlacy mohuć nazaŭždy pakinuć svajo hniazdo i schavacca ŭ hłuchich lasach, palacieć na zabałočanyja vyspy.
Pavieličeńnie haspadarčaj nahruzki prymušaje vialikich arlacoŭ pakidać svaje ŭpadabanyja miescy i ŭ Biełarusi.
«Manitorynh pakazaŭ, što za apošnija 10 hadoŭ u naturalnych miescapražyvańniach kolkaść vialikaha arlaca pamienšyłasia. Źnikli 30% par», — adznačyŭ staršy navukovy supracoŭnik łabaratoryi arnitałohii DNVA «NPC pa bijaresursach» kandydat bijałahičnych navuk Valeryj Dambroŭski.
Kamientary