Kiraŭnik resursu Lurkmore («Łurkamorje») Dźmitryj Chomak paviedamiŭ pra zamarozku prajekta z-za prablem z Raskamnahladam i uniasieńniem u śpis «zamiežnych ahientaŭ» fondu «Dynastyja». Pra heta jon napisaŭ u Facebook.
«Ścisła: maju asabistuju dušeŭnuju raŭnavahu parušyła zusim nie błakiroŭka Łurka i nie toje, što hrošy skončylisia zusim, a historyja z fondam Dynastyja», — napisaŭ Chomak, panarakaŭšy taksama, što ŚMI pierastali zaŭvažać błakavańnie resursu Raskamnahladam. «Ok. Pieravodzim Łurk u režym kansiervacyi i pomnika kultury. Na heta asobna treba [šmat] času i sił, niezrazumieła, dzie ich uziać», — dadaŭ zasnavalnik Lurkmore.
Jak adznačyŭ Chomak, zamarozka prajekta nie aznačaje jaho śmierci, adnak heta «kaniec vydatnaj epochi dla ŭsich nas». Pry hetym jon padkreśliŭ, što ciapier pra kančatkovaje zakryćcio resursu pakul nie idzie. «Prajektu treba šmat nad saboj papracavać, kab praz šmat hadoŭ prystojna hladziecca ŭ trunie», - zaŭvažyŭ jon.
Lurkmore ŭ apošni čas nieadnarazova ŭklučali ŭ rejestr zabaronienych sajtaŭ. Tak, u krasaviku 2015 Miaščanski sud Maskvy zadavoliŭ pazoŭ Raskamnahlada da internet-encykłapiedyi i zapatrabavaŭ vydalić staronku z fatahrafijaj śpievaka Valeryja Siutkina, što ilustruje niecenzurny miem. U śniežni 2014 Raskamnahlad unios u čorny śpis piać veb-staronak, pryśviečanych narkotykaŭ. Lurkmore samastojna vydaliŭ ich, paśla čaho viedamstva vyklučyła resurs z rejestra.
U listapadzie 2012 hoda sajt apynuŭsia ŭ śpisie z-za artykułaŭ «Dudka» i «Kanapla. Sposaby ŭžyvańnia».
Lurkmore nazyvaje siabie encykłapiedyjaj sučasnaj kultury, falkłoru i subkultur. Artykuły resursu farmujucca karystalnikami i ŭjaŭlajuć saboj ściobnaje apisańnie papularnych u internecie terminaŭ i piersanažaŭ. Sajt pracuje z 2007 hoda.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary