Siońnia adbyłosia pasiedžańnie centralnaha kamitetu BSDP «Hramada». Na im siarod inšaha razhladałasia pytańnie ab ŭdziele partyi ŭ palityčnaj kampanii «Vybary prezidenta Respubliki Biełaruś».
Na razhlad udzielnikaŭ CK było vyniesiena dva prajekty pastanoŭ. Pavodle pieršaha prajekta, partyja musić prytrymlivacca ŭłasnaha statuta i pytańnie ŭdziełu ŭ vybarach, padtrymki kandydata ci kampanii pavinien vyrašać źjezd, a nie CK partyi.
Druhi prajekt pastanovy ŭklučaŭ u siabie padtrymku prezidenckaj kampanii Taćciany Karatkievič, jakaja źjaŭlajecca siabram BSDP.
Nivodnaja pastanova pryniata nie była. Pry hałasavańni pa druhim prajekcie častka členaŭ CK pakinuła zału, takim čynam nie było nieabchodnaha kvorumu ŭ 23 čałavieki dla pryniaćcia rašeńnia.
Ciapier siabry BSDP «Hramada» budzie prymać kožny dla siabie asabista, jakoha kandydata ŭ prezidenta jany buduć padtrymlivać.
Taćcianu Karatkievič padtrymali na vybarach «Havary praŭdu», a taksama Partyja BNF.
Kamientary