Ranicaj 23 lipienia ŭ paliŭnym cechu filijała №1 cemientnaha zavoda AAT «Krasnasielskbudmateryjały» padčas rabot pa demantažy razarvała elektraruchavik stužkapadatčyka vuhalu. Detalami i frahmientami korpusa traŭmavała dvuch mancioraŭ.
Pra heta paviedamiŭ aficyjny pradstaŭnik USK pa Hrodzienskaj vobłaści Siarhiej Šaršanievič.
47-hadovy rabočy pamior na miescy, jaho 53-hadovy kaleha byŭ dastaŭleny ŭ Vaŭkavyskuju CRB ź ciełavymi paškodžańniami siaredniaj stupieni ciažaru.
Paśla ahladu miesca zdareńnia, apytańnia vidavočcaŭ i vyvučeńnia techničnaj i słužbovaj dakumientacyi Vaŭkavyski rajonny adździeł Śledčaha kamiteta raspačaŭ kryminalnuju spravu ŭ dačynieńni da načalnika elektraramontnaha cecha, adkaznaha za vykanańnie pravił achovy pracy, za dapuščanyja im parušeńni techniki biaśpieki, jakija paciahnuli pa nieaściarožnaści śmierć čałavieka (č.2. st.306 KK).
Heta druhi za apošni čas vypadak hibieli rabočaha na pradpryjemstvie. Papiaredniaje nadzvyčajnaje zdareńnie adbyłosia 24 červienia. Padčas technałahičnaha pracesu 29-hadovy mužčyna adkryŭ naziralny luk, ź jakoha vysypałasia syravinnaja muka tempieraturaj 500°S. Ad atrymanych apiokaŭ jon pamior u balnicy praz čatyry dni.
Kamientary