Stali viadomyja miesca i data raźvitańnia z apierataram Dzianisam Sakałoŭskim
Raźvitańnie z apierataram i byłym palitviaźniem Dzianisam Sakałoŭskim adbudziecca ŭ Minsku 9 sakavika z 10:00 da 13:00 pa adrasie: Minski rajon, ahraharadok Pryłuki, vulica Lasnaja, 11/19, piša Reform.news.
Pachavańnie projdzie na Atolinskich mohiłkach u 14:00, paminalny stoł — a 15:00. Ad miesca raźvitańnia da mohiłak i paminalnaha stała budzie arhanizavany transpart dla tych, chto biez asabistaha aŭtamabila.
Pra heta paviedamiła jaho dačka, žurnalistka Vasilina Sakałoŭskaja.
«Kali łaska, prašu vas pryjści i padtrymać maich babulu ź dziadulem. Heta samy ciažki čas dla ich i dla mianie, u jaki ja, na žal, nie mahu być fizična pobač. Tamu kali vy možacie być tam dla mianie i za mianie, ja budu vam vielmi ŭdziačnaja. Kali łaska, pamaliciesia i padumajcie pra majho tatu, kab jon znajšoŭ spakoj na svajoj rodnaj ziamli, u svaich lubimych Pryłukach», — napisała jana ŭ Facebook.
Dzianis Sakałoŭski pracavaŭ apierataram na telekanale «Biełaruś-1» bolš za dziesiać hadoŭ, a taksama supracoŭničaŭ z zamiežnymi telekanałami, siarod jakich ARD, ZDF, DW, Al Jazeera, ABC, NRK.
U 2020 hodzie jon dałučyŭsia da zabastoŭki na «Biełteleradyjokampanii».
Paśla zvalnieńnia razam sa svaimi byłymi kalehami pracavaŭ nad stvareńniem niezaležnaj miedyjapłatformy — tak zvanaha alternatyŭnaha telebačańnia, za što 22 śniežnia razam z Ksienijaj Łuckinoj byŭ zatrymany pa spravie «Pres-kłuba». Pieršapačatkova jaho abvinavačvali ŭ dapamozie va ŭchileńni ad vypłaty padatkaŭ. Dzianis pravioŭ 8 miesiacaŭ u SIZA-1.
Paśla pamiłavańnia členaŭ «Pres-kłuba», u žniŭni 2021 hoda Dzianisu źmianili mieru strymańnia na padpisku ab niavyjeździe, adnak jon byŭ pryznany padazravanym va ŭdziele ŭ zmovie z metaj zachopu ŭłady niekanstytucyjnymi srodkami.
Da kanca maja 2022 hoda jon zastavaŭsia pad nahladam i ličyŭsia padazravanym pa častcy 1 artykuła 357. Paśla vyzvaleńnia byŭ vymušany emihravać u Hiermaniju. 21 lutaha jon pamior u Bierlinie.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?28
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary