Pozna ŭviečary 23 lipienia ŭ Viarchoŭnym sudzie Biełarusi na pracesie pa spravie byłoha staršyni Biełkaapsajuza Siarhieja Sidźko, dvuch byłych słužbovych asobaŭ Biełaruskaha respublikanskaha sajuza spažyvieckich tavarystvaŭ i niekalkich kamiersantaŭ adbylisia sprečki bakoŭ.
Jak paviedamiła pres-sakratar VS Julija Laskava, dziaržaŭny abvinavaŭca Anatol Miacielski paprasiŭ sud prysudzić Sidźko da 12 hadoŭ pazbaŭleńnia voli sa štrafam 500 bazavych vieličyń, z kanfiskacyjaj usioj majomaści, z pazbaŭleńniem prava zajmać kirujučyja pasady terminam na piać hadoŭ, z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.
Byłomu kiraŭniku Biełkaapsajuza było pradjaŭlenaje abvinavačvańnie ŭ atrymańni chabaraŭ i złoŭžyvańni ŭładaj pa č. 3 art. 430 i č. 3 art. 424 KK. Dziaržabvinavaŭca paprasiŭ sud pryznać Sidźko vinavatym u ździajśnieńni złačynstvaŭ, praduhledžanych č. 1, 2, 3 art. 430 KK (nieadnarazovaje atrymańnie chabaraŭ, u tym liku ŭ bujnym i asabliva bujnym pamierach) i č. 2 art. 424 KK.
Kamientary