Smartfony i płanšety rezka ŭpaduć u canie. Nie ŭ Biełarusi
ZŠA, Kitaj, Japonija i Jeŭropa admianili pošliny na chajtek. My heta naŭrad ci adčujem.
Suśvietnaja handlovaja arhanizacyja (WTO) damoviłasia ab pastupovym skasavańni z 2016 hoda pošlin na vysokatechnałahičnuju pradukcyju. Pahadnieńnie było dasiahnutaje 18 lipienia, pra što pisaŭ Reuters, suśvietnaja presa źviarnuła na jaho ŭvahu 27 lipienia, paśla aficyjnaha padpisańnia.
54 krainy-siabra WTO damovilisia nie brać mytnyja zbory za smartfony, płanšety, hulniovyja kansoli i jašče amal dźvie sotni najmieńniaŭ chajtek-tavaraŭ. Technika ŭ hetych krainach maje patańnieć. Praŭda, siarod paŭsotni krain niama Rasii ci Biełarusi.
Abarot rynku vysokatechnałahičnych tavaraŭ pieravyšaje tryljon dalaraŭ. Krainy, što padpisali pahadnieńnie (a heta ZŠA, Kitaj, Japonija, krainy Jeŭrapiejskaha sajuzu i inšyja, ahułam 90% suśvietnaha IT-rynku), straciać niemałyja hrošy. Ale majuć nabyć bolš: admiena pošlin vykliča padvyšeńnie tempaŭ rostu vysokatechnałahičnaha siektaru dy stvareńnie novych pracoŭnych miescaŭ. IT-hihanty padtrymali rašeńnie.
Rasija nie dałučyłasia da pahadnieńnia, pažadaŭšy abaranić ajčynnaha vyrabnika. Biełaruś nie jość siabram WTO, ale biare ŭdzieł u Mytnym sajuzie z Armienijaj, Kazachstanam, Kyrhyzstanam i Rasijaj. Kali my i adčujem padzieńnie cen praź ich źnižeńnie na Zachadzie, jano budzie dosyć nievialikim praz ułasnyja mytnyja zbory.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu3
Kamientary