Jakimi buduć novyja ciahniki «Štadler» dla mižrehijanalnych linij FOTY
Takija elektryčki ŭžo vyrablajucca na minskim zavodzie.
Supołka amataraŭ biełaruskaj čyhunki padzialiłasia rendarami novych ciahnikoŭ Stafler Flirt 3 — siamivahonnych elektryčak z vahonami pieršaha i druhoha kłasu.
Takija ciahniki projduć vyprabavańni ŭviesnu 2016 hoda, letam vyjduć na maršruty Minsk-Homiel i Minsk-Brest (biez prypynkaŭ).
Cana da Homiela ŭ druhim kłasie składzie kala 67 500 rubloŭ, u pieršym — 81 200. Da Bresta ŭ druhim kłasie daviazuć za pryblizna 69 500, dakładnaja cana na pieršy kłas nieviadomaja.
Kožny vahon budzie mieć Wi-Fi-anteny, praduhledžanyja zony dla pasažyraŭ ź dziciačymi vazkami, rovarami i vialikim bahažom. Pad kožnym siadzieńniem razietki. U sastavie 4 zvyčajnych prybiralni i adna admysłovaja dla invalidaŭ. Adzin z vahonaŭ druhoha kłasu spałučany z baram.
Vahony druhoha kłasu vielmi padobnyja da piacivahonnych «Štadleraŭ», što siońnia chodziać pa rehijanalnych maršrutach.
Vahony pieršaha kłasu majuć miakkija skuranyja siadzieńni, šafu ź viešałkami, stoliki.
***
Zavod «Štadler Minsk» adkryŭsia ŭ Fanipali 20 listapada 2014 hoda. Kala 30% supracoŭnikaŭ zavoda šviejcarskaj kampanii — vychadcy z «Biełkamunmaša». Viadoma, što «Štadler», akramia elektryčak, vyrablaje tramvai «Miacielica».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary