Tbilisi spadziajecca adnavić dyjałoh z samaabvieščananymi respublikami, što adkałolisia ad jaje, zajaviŭ premjer-ministr Hruzii Iraklij Harybašvili, ušanavaŭšy pamiać zahinułych u rasiejska-hruzinskim kanflikcie žniŭnia 2008 hoda.
U piatnicu, 7 žniŭnia, z dnia pačatku kanfliktu prajšło 7 hadoŭ.
«Zrazumieła, my pavinny praciahnuć pravodzić razumnuju palityku z Rasijaj, ale ŭ toj ža čas być pryncypovymi, bo heta našy terytoryi i hruzinski narod nikoli nie źmirycca z žyćciom biez abchazaŭ i asiecin», — zajaviŭ premjer.
«Siońnia akupacyja Abchazii i Cchinvalskaha rehijonu, zrazumieła, praciahvajecca, i naš urad z dapamohaj razumnaj palityki sprabuje spynić hety praces. Dla nas hałoŭnaje — mir i stabilnaść. Kali my chočam viarnuć stračanyja terytoryi i žyć razam z našymi abchazskimi i asiecinskimi bratami, heta treba zrabić šlacham mirnych pieramovaŭ», - skazaŭ Harybašvili.
Rasijski premjer Dźmitryj Miadźviedzieŭ taksama ŭ subotu zrabiŭ zajavu ŭ suviazi z uhodkami vajny.
«Siem hadoŭ adździalajuć nas ad ahresii Hruzii suprać Paŭdniovaj Asiecii. U noč z 7 na 8 žniŭnia 2008 rehularnaja hruzinskaja armija, vykarystoŭvajučy ciažkuju artyleryju, tanki, avijacyju, naniesła strašny ŭdar pa žyłych damach, balnicach, škołach Cchinvała. Za niekalki hadzin byli zabityja i paranienyja tysiačy ludziej. Zahinuli rasijskija miratvorcy, jakija ŭ adpaviednaści z mandatam AAN byli zaklikanyja zabiaśpiečvać mir», — napisaŭ Miadźviedzieŭ u siabie ŭ Fejsbuku.
«Siońnia my dapamahajem naładzić spakojnaje i biaśpiečnaje žyćcio ŭ Abchazii i Paŭdniovaj Asiecii», — dadaŭ rasijski premjer.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy17
Kamientary