Čakajem 2017 hod.
NASA i partniory abviaścili skład nastupnych dźviuch ekśpiedycyj na MKS. Biełarus Aleh Navicki vierniecca ŭ kosmas u 2017 hodzie.
U składzie 51-j ekśpiedycyi razam z Aleham Navickim palatuć rasiejcy Alaksandr Misurkin i Mikałaj Cichanaŭ, amierykanka Pehi Uitsan i francuz Tama Pieskie.
U nastupnaj, 52-j ekśpiedycyi ad ESA palacić Paoła Niespali, ad NASA — Mark Vande Chej i Džek Fišer, ad Raskosmasa — zastanucca Misurkin i Cichanaŭ, da ich dałučycca Fiodar Jurčanka.
Padčas ekśpiedycyj budzie praviedzienaja važnaja rabota dla prakładańnia čałaviectvu darohi na Mars, paloty na MKS u chodzie ekśpiedycyi mohuć ździajśniacca, kali atrymajecca zdabyć srodki, na novych karablach Boeing CST-100.
Aleh Navicki ŭžo byŭ u kosmasie ŭ składzie ekśpiedycyi MKS-33, vylacieŭ 23 kastryčnika 2012 hoda i viarnuŭsia 16 sakavika 2013-ha.
Jak lacieŭ tady, tak i palacić ciapier ad imia rasijskaha kaśmičnaha ahienctva (Roskosmas), aficyjna źjaŭlajecca lotčykam-kasmanaŭtam Rasijskaj Fiederacyi i Hierojem Rasii.
U kastryčniku hetaha hoda Navicki spravić 44-hodździe. Naradziŭsia pad minskam u horadzie Červieni, u 1988 hodzie pastupiŭ u rasijskuju Vajenna-pavietranuju akademiju imia Žukoŭskaha i Haharyna, u 1994-m atrymaŭ kvalifikacyju lotčyka-inžyniera. Dziesiać hod słužyŭ lotčykam u Paŭnočna-Kaŭkazskaj vajennaj akruzie. Z 2006 hoda staŭ kandydatam u kasmanaŭty. U 2012 hodzie staŭ kamandziram dublujučaha ekipaža «Sajuz TMA-04M», zatym toj skład byŭ zaćvierdžany jak asnoŭny ŭžo dla karabla «Sajuz TMA-06M».
Žanaty, maje 19-hadovuju dačku Janu.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary