Rasijskaja Fiederalnaja słužba pa nahladzie ŭ śfiery abarony pravoŭ spažyŭcoŭ kanfiskavała z abarotu niekalki partyj amierykanskich vinaŭ.
Jak paviedamlajecca na sajcie viedamstva, havorka idzie ab čyrvonym suchim vinie Geyser Peak Merlot (vytvorca «Geyser Peak Winery»), sałodkim biełym vinie Crane Lake Moscato (vytvorca «Crane Lake Cellars») i paŭsuchim biełym vinie Gnarly Head Chardonnay (vytvorca «Dellicato Family Vineyards «).
Pa vynikach ekśpiertyzy ŭ vinie Gnarly Head Chardonnay vyjaŭlena pavyšanaje ŭtrymańnie ftałataŭ, infarmuje Rasspažyŭnahlad.
U vinach dvuch inšych vidaŭ vyjaŭlenyja ftałaty i piestycyd bifienazat u kancentracyjach, jakija pieravyšajuć ustanoŭlenyja narmatyvy.
Bifienazat vykarystoŭvajecca pry vyroščvańni vinahradu dla baraćby z raślinnajednyja klaščami.
Ftałaty, pa infarmacyi Rasspažyŭnahladu, «adnosiacca da 1-ha kłasa niebiaśpieki pa sanitarna-taksikałahičnym pakazčyku».
Jany mohuć «vyklikać funkcyjanalnyja, a ŭ dalejšym i arhaničnyja źmieny ŭ centralnaj i pieryfieryčnaj niervovaj sistemie, endakrynnaj sistemie, a taksama ankałahičnyja zachvorvańni i prablemy ź biaspłodździem u mužčyn i žančyn», havorycca na sajcie viedamstva.
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?8
Kamientary