Dvuchhadovy chłopčyk učyniŭ DTZ na terytoryi punkta propusku «Varšaŭski most»
Jak paviedamiła BiełaPAN načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, heta zdaryłasia 20 žniŭnia prykładna ŭ 14.45 na terytoryi punkta propusku «Varšaŭski most».
Pieršapačatkova ŭ sałonie «Reno» znachodzilisia baćka-vadziciel i jaho syn, jaki siadzieŭ u dziciačym kreśle na piarednim pasažyrskim siadzieńni.
Dla afarmleńnia dakumientaŭ brestaŭčanin vyjšaŭ z aŭtamabila, papiarednie dastaŭšy klučy z zamka zapalvańnia i pakłaŭšy ich u kišeń svajoj kurtki na zadnim siadzieńni.
«Mabyć, chłopčyk vielmi ŭvažliva naziraŭ, kudy tata schavaŭ klučy. Zastaŭšysia adzin, chłopčyk pieralez na zadniaje siadzieńnie i dastaŭ klučy.
Zatym jon pierabraŭsia na vadzicielskaje miesca, ustaviŭ kluč u zamok zapalvańnia i zavioŭ ruchavik aŭtamabila. Pakolki była ŭklučana pieršaja pieradača, «Reno» prajechaŭ niekalki santymietraŭ i «ŭpiorsia» ŭ «Folksvahien-Karavełu», — dapoŭniła Sacharčuk.
U vyniku DTZ aŭtamabili atrymali miechaničnyja paškodžańni.
«Vysnova tolki adna: nie pakidajcie dziaciej u aŭtamabili biez nahladu i zaŭsiody zabirajcie z saboj klučy», — skazała Sacharčuk.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?9
Kamientary