U čaćvier ułady Makiedonii abviaścili režym nadzvyčajnaj situacyi na miažy z Hrecyjaj z pryčyny pavieličeńnia patoku biežancaŭ.
Paśla zakryćcia miažy niekalki tysiač čałaviek praviali noč kala prapusknych punktaŭ, a ranicaj u piatnicu pasprabavali prarvacca na terytoryju Makiedonii.
Palicyja krainy vykarystała ślozatačyvy haz dla razhonu natoŭpu biežancaŭ. Prynamsi dziesiaci paciarpiełym spatrebiłasia miedycynskaja dapamoha, pieradaje ahienctva Rojterz sa spasyłkaj na vidavočcaŭ.
U Arhanizacyi Abjadnanych Nacyj vykazali zaniepakojenaść z nahody situacyi na miažy.
Bolšaść mihrantaŭ prybyvajuć na miažu Makiedonii ź Siryi, Iraka i Afhanistana praz Hrecyju. Kraina stała najbujniejšym tranzitnym punktam na šlachu mihrantaŭ, jakija sprabujuć dabracca da krain ES.
Ułady Makiedonii raniej paviedamili, što za apošnija dva miesiacy bolš za 44 tysiačy čałaviek pasprabavali prajechać praz terytoryju Makiedonii dalej na poŭnač Jeŭrasajuza.
Ministr unutranych spraŭ Makiedonii Mitka Čaŭkaŭ patrabavaŭ ad Jeŭrasajuza pryniać miery i dać krainie dadatkovuju dapamohu ŭ suviazi z masavym napłyvam biežancaŭ.
U čaćvier u ES zajavili, što kolkaść mihrantaŭ, jakija sabralisia la miežaŭ Jeŭrasajuza, dasiahnuła ŭ lipieni rekordnych 107.500 čałaviek.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary