Kancert Lavona Volskaha ŭ pierachodzie POŬNAJA VIDEAVIERSIJA
14 vieraśnia Lavon Volski daŭ kancert u pierachodzie ŭ centry Minska ŭ dzień svajho 50-hodździa. Śpiecyjalna dla tych, chto nie zmoh patrapić — poŭnaja videaviersija vystupu.
Z nahody svajho 50-hodździa biełaruski muzyka Lavon Volski vyrašyŭ dać kancert u pierachodzie la HUMa ŭ centry Minska.
Impravizavany kancert pačaŭsia ź lohkaj zatrymkaj na paŭhadziny. Praŭda, Volskaha čakali. U pierachodzie spačatku sabrałasia kala 40 čałaviek.
Volski śpiavaŭ svaje najlepšyja chity: «Try čarapachi», «Pavietrany šar», «Majo kachańnie». «Hości», «Prostyja rečy».
Usiaho prysutničała kala 150 čałaviek, hledačy aktyŭna padpiavali. Praŭda, niejkija supracoŭniki ŭ cyvilnym taksama viali zdymku.
Darečy, 7 listapada Lavon Volski razam z «Krambambulaj» daść u Vilni raźvitalny kancert.
***
Lavon Volski naradziŭsia 14 vieraśnia 1965 hoda ŭ Minsku. U 1981 h. u Minskim mastackim vučyliščy imia Hlebava razam z Uładzimiram Davydoŭskim zasnavaŭ rok-hurt «Favaryt» (paśla — «Mroja»). U 1994 hodzie muzyki «Mroi» stvarajuć novy hurt — N.R.M., jaki za 13 hadoŭ vypuściŭ 8 albomaŭ i staŭ fłahmanam biełaruskaha roku.
Sumiesnyja prajekty z udziełam Volskaha — «Narodny Albom» i «Ja naradziŭsia tut» — stali ŭ Biełarusi kultavymi. Śpiavaŭ u hurtach «Krambambula» dy «Zet».
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary