«Krambambula» prezientuje ŭ Vilni apošni albom i samaraspuskajecca
Biełaruski hurt «Krambambula» prezientuje novy albom «Čyrvony Štral» u Vilni 7 listapada. Paśla čaho kalektyŭ płanuje syści ŭ lasy.
Kancert, jaki achopić novy materyjał i najlepšyja pieśni hurtu, adbudziecca ŭ novaj kancertnaj zale Compensa, raźličanaj na 4000 hledačoŭ. Biełarusy mohuć atrymać biaspłatnyja vizy.
«Albom «Čyrvony Štral» — heta fantasmahoryja, u jakoj źmiašalisia minułaje, sučasnaść i budučynia Biełarusi, adlustravanyja z ułaścivymi «Krambambuli» humaram i ironijaj. Heta apošni albom hurtu, paśla čaho my pojdziem u lasy partyzanić. Inšych varyjantaŭ isnavańnia ŭ sučasnych umovach my nie bačym», — kaža Lavon Volski.
«Čyrvony Štral» nazvany ŭ honar kultavaha vilenskaha kafe pačatku XX stahodździa, dzie źbirałasia intelihiencyja, u tym liku biełaruskaja. Siarod haściej ŭstanovy byli Janka Kupała i braty Łuckievičy.
Jość źviestki, što ŭ 1916 hodziemienavita tam adbyłasia znakavaja sustreča Łuckievičaŭ z pradstaŭnikami polskich i litoŭskich kołaŭ, paśla jakoj braty i vyrašyli imknucca nie da ŭznaŭleńnia Rečy Paspalitaj abo Vialikaha kniastva Litoŭskaha, a da niezaležnaj Biełarusi, abvieščanaj pry ich udziele ŭ 1918-m pad ściaham BNR.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary