Sud abaviazaŭ «UKantakcie» ŭkaranić filtravańnie aŭdyjofajłaŭ
Papularnaj sacyjalnaj sietcy «UKantakcie» ŭdałosia paźbiehnuć bujnoha štrafu pa pazovie studyj hukazapisu Universal Music i Warner Music ab parušeńni aŭtarskich pravoŭ.
Arbitražny sud Sankt-Pieciarburha i Leninhradskaj vobłaści častkova zadavoliŭ ich pazoŭ i abaviazaŭ sacsietku ŭkaranić technałohiju filtracyi aŭdyjofajłaŭ.
«Sud zadavoliŭ patrabavańnie hukazapisvalnych kampanij abaviazać «UKantakcie» stvaryć efiektyŭnuju sistemu, jakaja vyklučała b mahčymaść zahruzki pirackaha aŭdyjokantentu na sajt, što aznačaje, što sietka pavinna vydalić usie nielehalnyja treki, jakija naležać kampanijam, i praduchilić ich źjaŭleńnie na servisie ŭ budučyni», — cytuje TASS zajavu pres-słužby Mižnarodnaj fiederacyi vytvorcaŭ fanahram (IFPI).
U spahnańni z «UKantakcie» bujnoha štrafu na sumu 36 młn rubloŭ pazoŭnikam admoŭlena. Pry hetym u IFPI adznačyli, što rašeńnie suda «źjaŭlajecca znakavym, i jaho vykanańnie palepšyć umovy, nieabchodnyja dla raźvićcia licenzijnaha muzyčnaha rynku ŭ Rasii».
U červieni toj ža sud zadavoliŭ pazoŭ da sacsietki ab niezakonnym raźmiaščeńni piesień Ryhora Lepsa i zahadaŭ vypłacić studyi «Nikicin Miedyja Dydžytał Kantent» 750 tysiač rubloŭ (13,2 tysiač dalaraŭ).
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary