Daloka nie ŭsie skardziacca na mały zarobak. U bazach dadzienych jość vialikaja kolkaść vysokaapłatnych vakansij. Voś tolki patrabavańniam adpaviadajuć nie ŭsie patencyjnyja rabotniki.
«Naša Niva» skłała śpis samych darahich vakansij krainy.
1. Dyrektar kampanii — $2800
Samyja vialikija hrošy — 50 miljonaŭ — hatovy płacić «Centr biznes-rašeńniaŭ» svajmu novamu dyrektaru. Kampanija zajmajecca kansultavańniem biznesu. Kab pretendavać na miesca, treba mieć try hady vopytu dyrektarskaj pracy.
2. Prezident Biełarusi — $2600
Hetaje miesca pracy stanovicca volnym paśla 11 kastryčnika. Pavodle letašniaj dekłaracyi, Alaksandr Łukašenka atrymlivaŭ 46 miljonaŭ rubloŭ štomiesiac. Ci indeksavaŭsia sioleta zarobak, nieviadoma.
3. Top-mieniedžar biełaruska-kitajskaj kampanii — $2250-2550
Adrazu try vakansii vystavili pradpryjemstvy, zarehistravanyja ŭ Biełaruska-kitajskim industryjalnym parku ŭ Smalavickim rajonie. Hienieralnamu dyrektaru, a taksama dvum načalnikam adździełaŭ hatovyja płacić pa 40—45 miljonaŭ rubloŭ. Nieabchodnaje viedańnie anhlijskaj movy, ale heta jašče paŭbiady. Tych, chto vałodaje kitajskaj movaj, u Biełarusi nadzvyčaj mała. A heta abaviazkovaja ŭmova dla pracaŭładkavańnia.
4. Prahramist — kala $2000
Pakolki pradukcyja biełaruskich IT-kampanij aryjentavanaja na ekspart, to i zarobki čaściakom pryviazanyja da valuty.
Pavodle Biełstata, siaredniaja zarpłata ŭ śfiery, «źviazanaj z vyličalnaj technikaj», dasiahnuła 28,5 miljona rubloŭ — heta bolš za $1600 u ekvivalencie.
5. Hałoŭny inžynier na AES — $1700
Adkaznuju pracu inžyniera-enierhietyka na budoŭli pad Astraŭcom aceńvajuć na 30 miljonaŭ rubloŭ.
Kamientary