3 kastryčnika ŭmovy nadvorja istotna nie źmieniacca. Čakajecca ŭmierana ciopłaje biez apadkaŭ nadvorje. Nočču i ranicaj u asobnych rajonach zhuścicca słaby tuman. Viecier zachodni, umierany. Tempieratura pavietra minimalnaja nočču składzie 6.. + 11°S, pa poŭdni pry prajaśnieńniach pavietra astudzicca da 3.. + 5°S, maksimalnaja dniom budzie vahacca ad + 14°S pa poŭnačy da + 20°S pa poŭdni krainy. Atmaśfierny cisk nočču istotna nie źmienicca, dniom budzie słaba raści.
4-5 kastryčnika nadvorje pa-raniejšamu budzie vyznačać vobłaść pavyšanaha atmaśfiernaha cisku i ciopłyja pavietranyja masy, jakija pastupajuć z Zachodniaj Jeŭropy. U Biełarusi zachavajecca ciopłaje nadvorje.
U niadzielu, 4 kastryčnika, istotnych apadkaŭ nie čakajecca. Nočču i ranicaj miescami ŭtvorycca słaby tuman. Tempieratura pavietra ŭnačy panizicca da 3.. + 8 ° S, dniom 14.. + 20 ° S, pa poŭdni pavietra prahrejecca da + 22 ° S.
U paniadziełak, 5 kastryčnika, nočču pieravažna biez apadkaŭ, dniom u asobnych rajonach projduć karotkačasovyja daždžy, mahčymy navalnicy. Nočču i ranicaj — miescami słaby tuman. Tempieraturny fon krychu pavysicca i składzie: nočču 6.. + 12°S, dniom pa-raniejšamu 14.. + 20°S, pa poŭdni da + 23°S.
Ad aŭtorka kraina apyniecca na paŭdniovaj pieryfieryi chałodnaha skandynaŭskaha antycykłonu, jaki znoŭ pryniasie pastupovaje panižeńnie tempieratury pavietra i zaciažnoje pachaładańnie.
Tak, u aŭtorak tempieratura dniom składzie +6—1 S, pa poŭdni plus 13—18°S.
U sieradu — dniom +5—11°S; pa paŭdniovym zachadzie — +12—14°S.
Kamientary