«Łaškina Hanna (13 hadoŭ), znajšłasia. Žyvaja!» — paviedamiŭ na svajoj staroncy pošukava-vyratavalny atrad «Anioł» minułaj nočču.
Hanna samastojna paviedamiła pra svajo miescaznachodžańnie baćkam. Na miesca nieadkładna vyjechali baćki, supracoŭniki milicyi i supracoŭniki atrada «Anioł». Ź dziaŭčynkaj usio dobra. Jana žyvaja i zdarovaja. U miedycynskaj dapamozie nie maje patreby. Supracoŭniki milicyi vyśviatlajuć pryčyny taho, što adbyłosia.
Dziaŭčynka źnikła 1 kastryčnika. U 19:20 jana vyjšła z domu, źbirałasia na zaniatki ŭ kaścioł (raźmieščany pa adrasie: vuł. Łabanka, 112) i nie viarnułasia.
«Dziakujem ŭsim nieabyjakavym ludziam i pošukavaj hrupie za akazanuju dapamohu ŭ infarmacyjnaj padtrymcy, rasklejcy oryjencirovak i aktyŭny ŭdzieł u pošukach. Dziakujem taksama ŭsim supracoŭnikam MNS (kaleham baćki Hanny), jakija nie pakinuli svajho tavaryša i kalehu, padtrymlivali rodnych i brali aktyŭny ŭdzieł u pošukach ź pieršaj chviliny, jak stała viadoma, što zhubiłasia dzicia. Dziakujem za vydatnuju kaardynacyju supracoŭnikam MUS, vysoki ŭzrovień i prafiesijanalizm ich dziejnaści!» — vykazvaje padziaku pošukava-vyratavalny atrad «Anioł» i abjaŭlaje ab spynieńni pošuku.
Kamientary