U Kyrhyzstanie zaviaršylisia parłamienckija vybary. Upieršyniu ŭ historyi krainy vybary praviali z prymianieńniem bijamietryčnych technałohij identyfikacyi hramadzian, skryniaŭ dla hałasavańnia z aŭtamatyčnym sčytvańniem, aŭtamatyčnym padlikam hałasoŭ vybarščykaŭ. «Chaču skazać, što adkrytyja sumlennyja vybary na asnovie bijamietryki pakazali siłu ŭłady», — zajaviŭ siońnia na bryfinhu premjer-ministr Kyrhyzstana Ciemir Saryjeŭ.
Pavodle papiarednich dadzienych CVK prahałasavali kala 60% ad kolkaści vybarščykaŭ, uklučanych u śpisy.
Lidziruje Sacyjał-demakratyčnaja partyja Kyrhyzstana — partyja prezidenta Ałmaźbieka Atambajeva.
Za miescy ŭ parłamiencie zmahalisia 14 partyj. Pavodle dadzienych kiraŭnika CVK pa papiarednich vynikach urn z aŭtamatyčnym sčytvańniem u parłamient prajšli: partyja SDPK nabrała 27,45%, «Respublika — Ata-Žurt» — 20,13%, «Kyrhyzstan» — 12,81%, «Onuhuu — Prahres» — 9,3%, «Bir Boł» — 8,44%, «Ata Miekien» — 7,74%. Astatnija 8 partyj nie zmahli pieraadoleć 7—pracentny barjer.
Usiaho zarehistravana 2 młn 761 tys 297 vybarščykaŭ.
Ahulnaja kolkaść mižnarodnych naziralnikaŭ na vybarach skłała 613 čałaviek.
Kamientary