Prezident Siryi zajaviŭ, što pakinie svaju pasadu ŭ tym vypadku, kali heta pryviadzie da raźviazvańnia kryzisu ŭ krainie.
Siryjski prezident Bašar Asad dapuściŭ svoj sychod u adstaŭku, kali heta dazvolić vyrašyć kryzis u krainie. Pra heta jon zajaviŭ u niadzielu, 4 kastryčnika, u intervju iranskamu telebačańniu Khabar TV. Poŭny tekst intervju pryvodzić siryjskaje dziaržaŭnaje ahienctva Sana. «Kali moj sychod budzie rašeńniem, ja biez sumnievu heta zrablu», — skazaŭ Asad.
Tym nie mienš, pavodle jaho słoŭ, vyrašać heta pavinien siryjski narod. Asad taksama dadaŭ, što kaalicyja Rasii, Siryi, Iraka i Irana moža vyratavać Blizki Uschod ad razbureńnia. Asad padkreśliŭ, što «asnovaj dla luboha rašeńni ŭ Siryi» moža być vyklučna baraćba z teraryzmam.
Raniej prezident ZŠA Barak Abama nazvaŭ sychod Asada adnoj z umoŭ pieramohi nad «Isłamskaj dziaržavaj». Paźniej dziaržsakratar Džon Kiery patłumačyŭ, što ZŠA bolš nie patrabujuć nieadkładnaj adstaŭki siryjskaha prezidenta. Pavodle jaho słoŭ, Asad pavinien pakinuć svaju pasadu na praciahu «pierachodnaha pieryjadu».
Kamientary