Pra padpisańnie kantrakta z naturalizavanym varatarom biełaruskaj chakiejnaj zbornaj Kievinam Łałandam paviedamiła 5 kastryčnika pres-słužba minskaha «Dynama».
Dvaccacivaśmihadovy ŭradženiec Kinhstana z kanadskaj pravincyi Antarya pačaŭ prafiesijnuju karjeru ŭ 2003 hodzie, adznačajecca ŭ relizie. Užo ŭ 2005-m na drafcie NCHŁ jon byŭ vybrany ŭ piatym raŭndzie pad ahulnym 128-m numaram kłubam «Kałhary Fłejmz». Potym, adnak, Łałand nie pravioŭ na lodzie ŭ składzie hetaj kamandy nivodnaha matča, a da siezona-2010/11 praciahvaŭ vystupać u minornych lihach Paŭnočnaj Amieryki… U lipieni 2010 hoda Kievin ŭpieršyniu pasprabavaŭ ułasnyja siły ŭ KCHŁ, padpisaŭšy kantrakt z padmaskoŭnym «Viciaziem». 26 lipienia 2011 hoda Łałand padpisaŭ pieršy kantrakt ź minskim «Dynama». 16 lutaha 2012 hoda jon pryniaŭ biełaruskaje hramadzianstva.
«U siezonie-2014/15 darohi varatara i našaha kłuba razyšlisia — toj vyrašyŭ pajści na pavyšeńnie i pasprabavać svaje siły ŭ armiejskim kłubie Maskvy — za hod, praviedzieny ŭ CSKA, Łałand adstajaŭ u ramcy varot 23 razy i zarabiŭ kaeficyjent nadziejnaści 1,67, — havorycca ŭ paviedamleńni. — Adnak praciahvać adnosiny z hałkipieram maskvičy nie zachacieli, i Kievin znoŭ staŭ adkrytym dla novych karjernych vyklikaŭ. I byŭ vielmi blizki da viartańnia za akijan dziakujučy zaprašeńniu ŭ trenirovačny łahier «Miniesoty». I ŭsio ž z «dzikunami» ŭ jaho nie skłałasia».
«U pačatku leta ja navat nie dumaŭ pra taki varyjant raźvićcia padziej, ale ŭ apošnija paru miesiacaŭ šmat źmianiłasia, i, kali ja daviedaŭsia pra mahčymaść pradoŭžyć karjeru ŭ Minsku, byŭ sapraŭdy ščaślivy», — skazaŭ Łałand u intervju pres-słužbie kłuba.
Kamientary