Bloomberg Markets apublikavaŭ svoj piaty štohadovy rejtynh 50 samych upłyvovych ludziej śvietu.
Na pieršym miescy — kiraŭnik Fiederalnaj reziervovaj sistemy ZŠA Dženiet Jelen. Druhoje miesca zaniaŭ prezident Kitaja Si Czińpin, treciaje — hienieralny dyrektar Apple Cim Kuk.
Jak adznačaje vydańnie, u hetym śpisie byli abjadnanyja ludzi roznych prafiesij: niechta ź ich zasnavaŭ kampaniju, a chtości kiruje ŭsioj ekanomikaj abo navat dziaržavaj. Pry hetym usich ich abjadnoŭvaje toj pośpiech, jakoha damohsia kožny ź ich u svajoj śfiery dziejnaści.
Dženiet Jelen užo ŭvajšła ŭ historyju, staŭšy pieršaj žančynaj na čale Fiederalnaj reziervovaj sistemy. Mienavita joj treba budzie kiravać amierykanskim kaznačejstvam, kali suśvietnaja ekanomika tolki pačynaje adychodzić ad finansavaha kryzisu. Znachodziačysia pad vielizarnym psichałahičnym ciskam, Dženiet Jelen, jak adznačaje Bloomberg Markets, karystajecca devizam «zachoŭvaj spakoj i ruchajsia dalej».
Nie lahčej, na dumku Bloomberg Markets, ciapier prychodzicca prezidentu Kitaja Si Czińpinu. Druhaja pa vieličyni ekanomika śvietu praciahvaje hublać byłyja tempy rostu, akazvajučy ŭpłyŭ praktyčna na ŭsie astatnija rehijony i haliny pramysłovaści. Šmat u čym ad dziejańniaŭ kiraŭnika KNR i jaho ŭrada zaležyć bližejšuju budučynia suśvietnaj ekanomiki. Mienavita tamu jon i zaniaŭ u rejtynhu druhi radok.
Uśled za im raźmiaściŭsia hienieralny dyrektar, mabyć, samaj ŭpłyvovaj kampanii śvietu — kiraŭnik Apple Cim Kuk. Źmianiŭšy na hetaj pasadzie zasnavalnika karparacyi Styva Džobsa ŭ 2011 hodzie, spadar Kuk zdoleŭ za hety čas damahčysia padvajeńnia rynkavaj kapitalizacyi Apple i značnaha pavieličeńnia prybytku kampanii. Prodažy iPhone bjuć rekordy, a brend źjaŭlajecca samym darahim u śviecie.
U dziasiatku samych upłyvovych ludziej śvietu taksama ŭvajšli papa Francišak, inviestary-miljardery Łary Fink i Uoren Bafet, prezident ZŠA Barak Abama, hiendyrektar Goldman Sachs Łojd Błankfiejn, kancler Hiermanii Anhieła Mierkiel i suzasnavalnik Linkedin Ryd Chofman.
Poŭny śpis možna pahladzieć tut.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary