Kandydat u prezidenty Arhienciny ad kirujučaha pieranisckaha ruchu «Front za pieramohu» Daniel Scyoli atrymaŭ dypłom ab vyšejšaj adukacyi za 20 dzion da vybaraŭ. Pra heta ŭ paniadziełak paviedamili miascovyja ŚMI.
Favaryt pieradvybarnaj honki vyrašyŭ skončyć vučobu, jakuju byŭ vymušany kinuć amal 40 hadoŭ tamu, u minułym hodzie. Kiraŭnictva Arhiencinskaha univiersiteta biźniesu (UADE) pajšło nasustrač Scyoli i dazvoliła zdać tolki dzieviać pradmietaŭ, zaličyŭšy ŭžo zdadzienyja ispyty.
Vybary kiraŭnika dziaržavy namiečany ŭ Arhiencinie na 25 kastryčnika. Pa kanstytucyi dla pieramohi ŭ pieršym tury kandydatu ŭ prezidenty nieabchodna nabrać bolš za 45% hałasoŭ ci 40% pry ŭmovie, što adryŭ ad jaho bližejšaha supiernika pieravyšaje nie mienš za 10%.
Na pieršasnych vybarach, što adbylisia 9 žniŭnia, Ścioli nabraŭ 38,41%, jaho bližejšy kankurent, kandydat apazicyjnaj kansiervatyŭnaj partyi «Respublikanskaja prapanova» Maŭrysia Makry, - 24,28%.
Kamientary