Kiroŭca maršrutki ŭ Breście jeździć sa ściaham «Navarosii» i nazvaŭ pasažyra «ŭrodam»
U hrupu sacyjalnaj sietki «Ukantakcie» «Antymajdan Biełaruś» źviarnuŭsia kiroŭca maršrutki «Brest – Pielišča» Andrej Cimašeŭski. Jon apisaŭ situacyju, što ŭ jahonym mikraaŭtobusie na łabavym škle raźmieščany ściah «Navarosii».
Paśla taho, jak «NN» patelefanavała dyrektaru słova «ŭrod» źnikła, ale jano lohka šukajecca pry dapamozie google.
«Adzin urod-zmahar napisaŭ skarhu dyrektaru aŭtavakzała, dyrektar majoj firmy pavinien dać adkaz hetamu ŭrodu ciaham 10 dzion. Mianie pastavili pierad vybaram: ci źniać ściah, ci patrebny jurydyčna abhruntavany adkaz, bo ź im zmahar paźniej moža źviarnucca ŭ sud», — napisaŭ Andrej Cimašeŭski.
Dyrektar Bresckaha aŭtavakzała Mikałaj Radziuk paćvierdziŭ, što takaja skarha sapraŭdy była. Jany pieranakiravali jaje da pryvatnaha pieravozčyka «JUVKom», na jakoha pracuje zhadany vadziciel.
Dyrektar «JUVKoma» Juryj Kušniaruk taksama pryznaŭ, što takaja skarha isnuje i jość taki vadziciel Andrej Cimašeŭski.
«Nie baču nijakich prablem. Hety ž ściah amal całkam identyčny Andrejeŭskamu, — adrazu skazaŭ dyrektar. – Ale ja skazaŭ, kab źniaŭ, kali ludziam nie padabajecca».
Biełaruś nie pryznaje lehitymnymi ŭtvareńni na ŭschodzie Ukrainy, Łukašenka zajmaje ŭ hetym pytańni žorstkuju pazicyju, a jak staviciesia vy, spytalisia my ŭ spadara Kušnieruka. «Zdymiem, jakija pytańni», — adkazaŭ jon.
Na ŭdakładnieńnie, jak načalnik stavicca da taho, što jahonyja supracoŭniki nazyvajuć pasažyraŭ «urodami», byŭ nastupny adkaz: «Ja jašče hetaha nie bačyŭ, budziem raźbiracca».
Skarhu pakinuŭ žychar Bresta Ihar Michajłaŭ. «Uličvajučy važnaść padtrymki dobrasusiedskich adnosin miž Biełaruśsiu i Ukrainaj, patrabuju pryniać miery pa vydaleńniu ściaha «Navarosii» z ukazanaha aŭto, u adnosinach da kiroŭcy prymianić miery dyscyplinarnaha paradku», — napisaŭ Michajłaŭ.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?10
Kamientary