Aŭstralijskija miedyki praviali najskładaniejšuju apieracyju pa sumiaščeńni častak chrybietnika paśla strašnaj traŭmy. Siužet pra heta źjaviŭsia na aŭstralijskim telekanale 7 News Melbourne.
Maleńki aŭstralijec Džeksan Tejłar, jakomu niama jašče i paŭtara hoda, atrymaŭ najciažejšyja traŭmy z-za aŭtamabilnaj avaryi. Mašyna, u jakoj jechali Džeksan i jaho siamja, trapiła ŭ łabavoje sutyknieńnie na chutkaści 70 km/h.
Udar byŭ nastolki mocnym, što Džeksan atrymaŭ traŭmu, jakuju nazyvajuć «ŭnutranaje abiezhałoŭlivańnie» — jaho šyja akazałasia złamanaja, a čerap adździaliŭsia ad chrybietnaha słupa. Pryčym hałava «prasunułasia» napierad — heta najbolš ciažki z mahčymych pierałomaŭ takoha typu.
U bolšaści vypadkaŭ takaja traŭma pryvodzić da imhniennaj śmierci. Mnohija vyžyłyja pacyjenty zastajucca paralizavanymi nazaŭždy, hublajučy mahčymaść navat dychać samastojna.
Adnak aŭstralijski chirurh Džef Askin pravioŭ najskładaniejšuju 6-hadzinnuju apieracyju, padčas jakoj sumiaściŭ častki chrybietnika dziciaci. Kab zmacavać ich, jon vykarystoŭvaŭ malusieńkija «droty» i elemienty, zroblenyja z rebra chłopčyka.
Kab nie dapuścić novaha zrušeńnia, miedyki časova nadzieli na jaho hałavu śpiecyjalny abruč — «hało». Mietaličny karkas fiksuje čerap na miescy i harantuje biaśpieku chrybietnika na čas reabilitacyi.
Ciapier Džejsan užo sam dychaje i ruchajecca, moža chadzić z padtrymkaj darosłych. Praz dva miesiacy karkas možna budzie źniać, a chłopčyk zmoža być takim ža žvavym, jak luboje dzicia.
Kamientary