Krainy Jeŭrasajuza ŭ sieradu padklučajucca da druhoj fazy sumiesnaj apieracyi ŭ Mižziemnym mory, nakiravanaj na baraćbu ź nielehalnaj pieravozkaj biežancaŭ.
U ramkach apieracyi, viadomaj pad nazvaj Sophia, jaje ŭdzielnikam budzie dazvolena dahladać sudny i zatrymlivać kantrabandystaŭ u vodach Mižziemnamorja.
Raniej u ramkach apieracyi Jeŭrasajuza pa baraćbie ź nielehalnymi pieravozčykami mihrantaŭ praź Mižziemnaje mora ŭ Jeŭropu mierkavalisia tolki vyratavalnyja apieracyi, što trapili ŭ biedstva ludziej.
Kiravać aktyŭnaj fazaj vajenna-marskoj apieracyi miarkujecca z Ryma. Pad kamandavańniem italjanskaha admirała Enryka Kredendyna buduć niekalki karabloŭ. Dałučycca da apieracyi i brytanski frehat HMS Richmond.
«My zmožam padymacca na bort, dahladać i zatrymlivać padazronyja sudny ŭ mižnarodnych vodach, a mierkavanych nielehalnych pieravozčykaŭ pieradavać u ruki italjanskim sudovym orhanam», — tłumačyła ŭ minułym miesiacy viarchoŭny pradstaŭnik Jeŭrasajuza pa źniešniaj palitycy Fiederyka Mahieryni.
Kamientary