Bieraściejec za dzieviać hadoŭ pryvodziŭ na hienietyčnuju ekśpiertyzu šaściarych dziaciej
Raźviejać sumnievy ŭ kroŭnych suviaziach žychar Bresckaha rajona sprabavaŭ dvojčy.
Pieršy zvarot mužčyny va ŭpraŭleńnie Dziaržaŭnaha kamiteta sudovych ekśpiertyz pa Bresckaj vobłaści adbyŭsia ŭ 2016 hodzie.
Ekśpierty-hienietyki pravodzili daśledavańnie bijałahičnaha materyjału traich niepaŭnaletnich dziaciej i ŭstanaŭlivali vierahodnaść baćkoŭstva 41-hadovaha zajaŭnika adnosna ich.
Vyniki ekśpiertyzy paćvierdzili svajactva mužčyny.
Adnak praź dzieviać hadoŭ mužčyna znoŭ źviarnuŭsia dla praviadzieńnia hienietyčnaj ekśpiertyzy. Uźnikła nieabchodnaść ustanaŭleńnia baćkoŭstva adnosna dziaciej. Ich taksama akazałasia troje — dva chłopčyki i dziaŭčynka.
Bijałahičnaje svajactva mužčyny było paćvierdžana.
Mahčyma, heta nie apošni vizit mužčyny ŭ abłasnoje ekśpiertnaje viedamstva.
Pa hienietyčnuju ekśpiertyzu ŭ Bresckaj vobłaści najčaściej źviartajucca žančyny z metaj spahnańnia alimientaŭ, radziej — dla vyrašeńnia spadčynnych pytańniaŭ. U vypadku ŭźniknieńnia sumnievaŭ u kroŭnych suviaziach inicyjatarami ekśpiertyzy vystupajuć mužčyny.
Kamientary