«Minskija damoŭlenaści byli zaklučany ŭ lutym, bolš za siem miesiacaŭ tamu. I tolki ciapier my pačynajem bačyć niekatoryja realnyja prykmiety implemientacyi tolki pieršaj z troch faz hetaha pahadnieńnia».
Pra heta zajaviła ŭ aŭtorak u Vašynhtonie pamočnik dziaržaŭnaha sakratara ZŠA pa pytańniach Jeŭropy i Jeŭrazii Viktoryja Nułand, paviedamlaje ahienctva Ukrinfarm.
Jana nahadała, što pieršaja faza pahadnieńnia tyčyłasia «spynieńnia ahniu na linii sudakranańnia i advodu ciažkaha ŭzbrajeńnia, a taksama zabieśpiačeńnia dostupu naziralnikaŭ ABSIE». Druhaja častka praduhledžvała «realnyja demakratyčnyja pracesy na Danbasie: vybary, amnistyju, śpiecyjalny status, decentralizacyju». Treciaja faza «zaklučałasia ŭ poŭnym vyvadzie z Ukrainy [rasijskaj] zbroi, adnaŭleńnie miažy i suvierenitetu Ukrainy».
Pa słovach amierykanskaha dypłamata, «ahoń u zonie kanfliktu spyniŭsia, što ŭžo źjaŭlajecca dobraj navinoj».
Kamientary