Ekanomika11

«Vołma» pačała budaŭnictva novaha hipsavaha zavoda ŭ Hatavie

U pasiołku Hatava pad Minskam 7 kastryčnika adbyłasia cyrymonija pačatku budaŭnictva novaha hipsavaha zavoda. Inviestycyjny prajekt realizuje rasijskaja kampanija «Vołma». U 2014 hodzie kampanija nabyła dziaržpakiet akcyj AAT «Biełhips» za 5,27 młn. dołaraŭ. Zhodna z ukazam prezidenta byŭ padpisany inviestdahavor na 45,5 młn. jeŭra, jakija pojduć na madernizacyju AAT «Biełhips» i budaŭnictva novaha hipsavaha zavoda. 

fota BiełaPAN

Jak zaznačyŭ, vystupajučy na cyrymonii adkryćcia, namieśnik premjer-ministra Anatol Kalinin, jon naviedvaŭ novy zavod kampanii ŭ Arenburhu i pahladzieŭ stvareńnie novaj vytvorčaści budmateryjałaŭ z hipsu. «Ja ŭbačyŭ, što heta adna ź viadučych suśvietnych kampanij na hetym siehmiencie. Biełaruś vybrana inviestaram nie vypadkova, jak kraina stabilnaja, z adkrytaj ekanomikaj. Tut buduć stvoranyja novyja pracoŭnyja miescy, novyja technałohii, novyja materyjały dla budaŭničaha kompleksu, heta daść impuls raźvićciu nie tolki ekanomiki našaj krainy, ale i samoj kampanii «Vołma». Nie projdzie dvuch z pałovaj hadoŭ — i my budziem tut adkryvać novuju vytvorčaść, dzie budzie pracavać razumnaja technika, adukavanyja śpiecyjalisty», — zaznačyŭ Kalinin. 

«My va ŭradzie vysoka aceńvajem hety inviestycyjny prajekt i stvarajem usie ŭmovy, kab byŭ pabudavany zavod pa vytvorčaści hipsavych materyjałaŭ. Hety zavod pryniasie nam nie tolki 43 młn. jeŭra inviestycyj. 30 młn. kv. mietraŭ hipsavych plit — heta šmat dla našaj krainy, ale stratehija kampanii nacelenaja na prodaž na źniešnija rynki, dzie jany dumajuć paśpiachova kankuryravać», — adznačyŭ vice-premjer. 

Pavodle słoŭ pieršaha namieśnika ministra architektury i budaŭnictva Alaksandra Kručanava, «heta vielmi značna prajekt dla budaŭničaj haliny krainy». «Jon značny i dla Minska, bo realizujecca ŭ miežach prahramy vynasu pramysłovych pradpryjemstvaŭ za miažu stalicy, što zabiaśpiečyć palapšeńnie ekałohii horada. Buduć uviedzienyja novyja technałohii, stvoracca mahutnaści, jakija zadavolać nie tolki patreby ŭnutranaha rynku, ale i za miažoj. Pakrokavy ruch hetaha prajekta pakazaŭ, što heta surjozny inviestar, u jakoha surjoznyja namiery. Vialikuju rolu adyhrała padtrymka hetaha prajekta z boku kiraŭnika dziaržavy. Praź niekatory čas na hetym miescy ŭźniknie bujnaja vytvorčaść, jakaja budzie značnaj i stratehičnaj dla Respubliki Biełaruś», — ličyć Kručanaŭ. 

Jak skazaŭ staršynia savieta dyrektaraŭ kampanii «Vołma» Juryj Hančaroŭ, «prajekt niaprosty, jość mocnyja kankurenty».

«My ŭ Biełarusi padchoplivajem tuju spravu, jakaja na praciahu 65 hadoŭ isnavała. Zavod «Biełhips» vyrablaŭ hipsakardon, pazahrebnievyja plity, budaŭničyja sumiesi, jakimi budaŭniki karystalisia dastatkova šyroka. Naša zadača — praciahnuć hetyja tradycyi. U 2014 hodzie byŭ padpisany ŭkaz prezidenta jak znak vialikaha davieru i vialikaj adkaznaści. My ŭdziačnyja i kiraŭniku dziaržavy, i ŭradu, była praviedzienaja vialikaja rabota. Usie abaviazacielstvy, jakija my na siabie biarem, buduć vykanany va ŭstanoŭlenyja terminy», — zapeŭniŭ Hančaroŭ. 

Na dumku prezidenta kampanii «Vołma» Alaksandra Małaškina, «siońnia adbyvajecca važnaja padzieja i dla kampanii, i dla Biełarusi».

«My budujem nie pieršy zavod, nie pieršy zavod rekanstrujujem, ale heta dastatkova składany prajekt, tamu što z kožnym hodam rastuć patrabavańni da efiektyŭnaści, da vytvorčaści, da markietynhu, da servisu. Ekanomika ŭ Rasii, u Biełarusi pieražyvaje niaprostyja časy, ale my pavinny pabudavać taki zavod, jaki budzie bolš efiektyŭnym, čym siońniašnija našy pradpryjemstvy. Biez novych inavacyjnych praduktaŭ budzie składana pracavać i kankuryravać z suśvietnymi kampanijami. Naša meta — być na ich uzroŭni», — skazaŭ jon. 

Zhodna ź inviestycyjnym abaviazacielstvam «Vołma» ŭviadzie ŭ ekspłuatacyju hipsavy zavod u Hatavie ŭ 2018 hodzie, budzie stvorana nie mienš čym 180 pracoŭnych miescaŭ. Prajektnyja mahutnaści štohod składuć: hipsakardonnyja listy — 30 młn. kv. m, pazahrebnievyja plity — 500 tys. kv. m, suchija budaŭničyja sumiesi — 100 tys. ton.

Kamientary1

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?7

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?

Usie naviny →
Usie naviny

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh8

Tramp zajaviŭ, što rakiety dla Patriot užo adpraŭleny va Ukrainu1

U Breście pierad 3 lipienia byli masavyja «previentyŭnyja» zatrymańni

«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju8

U Biełaruś prajezdam ź Jeŭropy zazirnuŭ prezident Indaniezii1

Siamihadovy chłopčyk naźbiraŭ amal 2 tysiačy rubloŭ za hod. Na što pojduć hrošy?2

Pucin adchilić ultymatum Trampa i rychtujecca da novaj eskałacyi va Ukrainie5

Tramp zajaviŭ, što Zialenski nie pavinien nanosić udary pa Maskvie, a dalnabojnych rakiet Ukrainie jon nie daść7

Lavončyk: Na 18 tysiač tych, chto atrymaŭ dapamohu, było try kryminalnyja spravy13

bolš čytanych navin
bolš łajkanych navin

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?7

Izrail bambić Siryju, patrabujučy ad Damaska adčapicca ad druzaŭ. Z čaho takaja družba?

Hałoŭnaje
Usie naviny →

Zaŭvaha:

 

 

 

 

Zakryć Paviedamić