Dziesiać hulcoŭ zbornaj Erytrei pa futbole admovilisia viartacca dadomu paśla matču ŭ Batsvanie i paprasili tam palityčnaha prytułku.
Futbalisty byli zatrymanyja botsvanskaj palicyjaj paśla taho, jak jany vyrašyli nie sadzicca ŭ samalot, jaki vykonvaŭ zvarotny rejs. Heta zdaryłasia na nastupny dzień paśla adboračnaha matču da čempijanatu śvietu pa futbole 2018 hoda.
Pradstaŭnik Futbolnaj asacyjacyi Batsvany zajaviŭ, što ciapier treba budzie vyśvietlić, čamu 10 futbalistaŭ z Erytrei admovilisia jechać razam ź inšymi členami svajoj kamandy.
Za apošnija hady spartsmieny z Erytrei niekalki razoŭ prasili prytułku ŭ inšych afrykanskich krainach.
U 2013 hodzie Uhanda dała prytułak 15 členam nacyjanalnaj futbolnaj zbornaj Erytrei, a taksama doktaru kamandy, jakija hodam raniej źnikli paśla vyjaznoha matču.
U 2009 hodzie erytrejski futbalisty prasili prytułku va ŭładaŭ Kienii, a ŭ 2011 hodzie - u Tanzanii.
AAN abvinavačvaje ŭłady Erytrei va ŭžyvańni katavańniaŭ i vykarystańni rabskaj pracy, adnak ułady krainy heta admaŭlajuć.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ10
Kamientary