Bieły dom vystupiŭ z źjedlivymi kamientarami, padvierhnuŭšy žorstkaj krytycy prezidenta Siryi Bašara Asada za jaho vizit u Maskvu, a Rasiju — za sardečny pryjom, akazany siryjskamu lidaru.
Vizit, jaki ździviŭ mnohich, byŭ naniesieny ŭ aŭtorak, praz try tydni paśla pačatku bambavańniaŭ rasijskich VPS u Siryi pa pazicyjach «Isłamskaj dziaržavy» i inšych antyŭradavych hrupoŭkach.
Asad nie pakidaŭ Damask z pačatku ŭzbrojenaha supraćstajańnia ŭ krainie ŭ 2011 hodzie, jaki zabraŭ, jak miarkujuć, bolš za čverć miljona žyćciaŭ.
Prymajučy Bašara Asada ŭ Maskvie, prezident Pucin pasłaŭ Zachadu vyrazny sihnał: Maskva źjaŭlajecca klučavym hulcom na Blizkim Uschodzie, i rašeńnie siryjskaha kanfliktu nie moža być znojdziena biez udziełu Rasii.
Pradstaŭnik Biełaha doma Eryk Šulc zajaviŭ, što ciapierašnija adnosiny pamiž Maskvoj i Damaskam staviać pad pahrozu pierśpiektyvu palityčnaha ŭrehulavańnia ŭ Siryi.
«My ličym, što sardečny pryjom, akazany Asadu, jaki ŭžyvaŭ chimičnuju zbroju suprać svajho naroda, razychodzicca z zajaŭlenaj Rasijaj metaj zabiaśpiečyć palityčny pierachod ułady ŭ Siryi», - zajaviŭ Šulc.
Pradstaŭnik dziarždepartamienta Džon Kirbi sa svajho boku adznačyŭ, što vizit nie staŭ dla jaho niečakanaściu.
«Niadziŭna, što Bašar Asad prylacieŭ u Maskvu, uličvajučy ŭzajemaadnosiny Rasii i Siryi i niadaŭna raspačatuju vajennuju aktyŭnaść, jakuju Rasija viadzie ŭ Siryi ŭ intaresach Bašara Asada», - zajaviŭ Kirbi.
Kamientary