Prezident Uruhvaja Tabare Vaskies, doktar pavodle prafiesii (ankołah), akazaŭ nieadkładnuju miedycynskuju dapamohu 17-hadovaj francužancy, u jakoj padčas transatłantyčnaha pieralotu raźviłasia ciažkaja alerhičnaja reakcyja. Ab hetym piša The Telegraph.
Incydent adbyŭsia ŭ paniadziełak, 26 kastryčnika, kali Vaskies nakiroŭvaŭsia ŭ Francyju z aficyjnym vizitam. Dziaŭčyna, jakaja viartałasia z Buenas-Ajresa z chakiejnaha turniru, adčuła siabie drenna paśla taho jak źjeła zakusku, jakaja źmiaščaje arachis — na hety pradukt u jaje alerhija.
Maci dziaŭčyny paklikała na dapamohu, kali jaje dačka pierastała dychać. Kamandzir pavietranaha sudna spytaŭ pasažyraŭ, ci jość na borcie doktar. Dapamahčy vyrašyŭ 75-hadovy Vaskies. Razam sa svaim asabistym doktaram Marya Siełarajanam jon supakoiŭ dziaŭčynu, daŭ joj vypić leki i zrabiŭ unutryviennyja injekcyi. Daktaram udałosia stabilizavać jaje stan, i nieabchodnaść ździajśniać ekstrannuju pasadku adpała.
«Praściej kažučy, jaje horła było amal całkam zakarkavana», — adznačyŭ Siełarajan. Pavodle jaho słoŭ, vypadak byŭ «davoli surjoznym». «Kali b my nie dapamahli, ja nie viedaju, što b zdaryłasia», — dadaŭ doktar.
Siełarajan raspavioŭ, što Vaskies akazvaŭ miedycynskuju dapamohu ŭ čas rejsa ŭžo treci raz. Upieršyniu heta adbyłosia pry pieralocie ŭ Aziju, druhi raz jon dapamoh amierykancy, u jakoj zdaryŭsia prystup astmy.
Vaskies, pradstaŭnik kaalicyi levych siłaŭ, zajmaŭ pasadu prezidenta Uruhvaja ŭ 2005—2010 hadach. Nastupny termin pasadu kiraŭnika dziaržavy zajmaŭ Chase Muchika. Paŭtorna Vaskies byŭ abrany ŭ listapadzie 2014 hoda. Kanstytucyja Uruhvaja zabaraniaje zajmać prezidenckuju pasadu dva terminy zapar.
Vaskies skončyŭ miedycynski fakultet Univiersiteta Uruhvaja pa śpiecyjalnaści ankałohija.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?10
Kamientary