Stvaralnik sajta 1863x.com śćviardžaje, što jaho aryštoŭvali, zaviali kryminalnyja spravy
Pry hetym jon pa-raniejšamu zachoŭvaje ananimnaść dla publiki. «Show Must Go On», — adkazvaje jon.
Na sajcie 1863x.com źjaviłasia infarmacyja, što jaho stvaralnik z 5 maja da 4 červienia pravioŭ pad aryštam i na sudova-psichičnaj ekśpiertyzie.
Suprać jaho, piša jon, byli zaviedzienyja dźvie kryminalnyja spravy — nibyta za raspalvańnie mižnacyjanalnaj varožaści i raspaŭsiudžvańnie parnahrafii.
Zasnavalnik vostraha sajta 1863x.com, jaki časam publikavaŭ śmiełyja rasśledavańni, sapraŭdy nie źjaŭlaŭsia ŭ siecivie miesiac.
Piersanaž, viadomy ŭ internecie jak Jhon Silver, nie vychodziŭ na suviaź z 4 maja. Hetym ža dniom datavałasia jahonaja apošniaja publikacyja ŭ sacyjalnaj sietcy Facebook. Jon adnaviŭ svaje pasty paśla 5 červienia.
Sajt viadziecca jahonym zasnavalnikam na ŭmovach poŭnaj ananimnaści — nichto nie viedaje ni jahonaha sapraŭdnaha imia, ni proźvišča, ni vyhladu. Tamu Internet źjaŭlajecca adzinym srodkam suviazi ź im. Praź jaho jon trymaŭ suviaź z aŭtarami i davaŭ intervju.
Jon zastajecca ananimnym i ciapier, choć śćviardžaje, što paśla zaviadzieńnia druhoj kryminalnaj spravy pakinuŭ Biełaruś. Na pytańnie «Našaj Nivy», čamu jon zachoŭvaje ananimnaść, jon praz fejsbuk adkazaŭ: «Show Must Go On. Prajekt zadumvaŭsia jak ananimny ad pačatku i da kanca. Tamu, kolki zmahu, stolki i budu padtrymlivać atmaśfieru».
Poŭny varyjant artykuła-spoviedzi na 1863x.com čytajcie tut.
Jhon Silver śćviardžaje, što zatrymali jaho supracoŭniki MUS, kali jon išoŭ na dziełavuju sustreču ŭ Minsku. Spravu viali śledčyja Śledčaha kamiteta, dopyty pravodzilisia ŭ budynku Śledčaha kamiteta pa Centralnym rajonie Minska na vulicy Sapioraŭ. Ale ŭ Jhon Silver zastałosia ŭražańnie, što za spravaj stajaŭ KDB, raskazaŭ jon «Našaj Nivie».
Błohiera spačatku abvinavacili pa 130 artykule KK RB — raspalvańnie varožaści pa nacyjanalnaj prykmiecie za hety materyjał na sajcie 1863ch.com, a taksama za inšyja artykuły ŭ padtrymku Ukrainy na sajcie. Śledčyja interpretavali zaklik «Zabi «Ruski śviet» jak zaklik da zabojstva ŭsich ruskich.
Jhon Silver piša, što bajaŭsia za svaich rodnych i niaviestu — jakuju taksama šmat razoŭ dapytvali, bo jana była adzinym śviedkam jahonaj dziejnaści. Jon pryznaŭsia, što jon i jość stvaralnikam i administrataram sajta.
Paśla jahonych pryznańniaŭ, zapisanych na kamieru, chłopca na miesiac adpravili ŭ «Navinki» na dobraachvotnuju sudova-psichičnuju ekśpiertyzu. Tam jamu dazvalali sustrečy z rodnymi i siabrami, tam jon i daznaŭsia, što jahonaje źniknieńnie ź sieciva zaŭvažyli ŚMI. Jon miarkuje, što rozhałas u ŚMI i dapamoh jamu.
Paśla miesiaca ŭ «durcy» jaho adpuścili pad padpisku ad niavyjeździe i z umovaj, što jon nie budzie publikavać sapraŭdnyja akaličnaści svajho źniknieńnia. Śledčyja raili jamu vydumać historyju, dzie b nie ŭzhadvalisia biełaruskija śpiecsłužby.
Adnak paśla taho jak jon adnaviŭ publikacyi 1863ch.com, praź niekatory čas suprać jaho zaviali jašče adnu kryminalnuju spravu, za parnahrafiju, jakuju znajšli ŭ niekatorych fotažabach — čužych, jakija jon pieradrukavaŭ z rasijskaha šavinistyčnaha resursu ŭ jakaści prykładu rasijskaj prapahandy.
Paśla hetaha chłopiec vyrašyŭ pakinuć Biełaruś. Ciapier jon znachodzicca va Ukrainie razam z žonkaj. «Ja viarnusia pry pieršaj mahčymaści», — kaža jon.
Pravieryć śćviardžeńni 1863ch.com nie ŭjaŭlajecca mahčymym, pakolki aŭtar nie raskryvaje svajoj tojesnaści.
Čytajcie taksama: Stvaralnik sajta 1863x.com: «Chaj zdochnie luby padonak, jaki zaklikaje ŭ majoj Radzimie zładzić kryvavuju łaźniu»
Ciapier čytajuć
Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki7
Kamientary