Budaŭnictva kaštavała 60 miljonaŭ jeŭra. Što ŭnutry novaha mižnarodnaha vystavačnaha centra ŭ Minsku FOTY
U pačatku maja ŭ stalicy aficyjna adkryli Minski mižnarodny vystavačny centr. Uźvioŭ jaho dla horada zabudoŭščyk žyllovaha kompleksa «Paŭnočny bierah» — inviestar z AAE. Realt pabyvaŭ unutry novaj vystavačnaj placoŭki.
Znachodzicca MMVC pobač z kalcavoj, mikrarajonam Navinki i novabudoŭlami «Paŭnočnaha bieraha». Pabudavali kompleks usiaho za 31 miesiac, zdaŭšy zbudavańnie raniej na hod. U samyja pikavyja miesiacy na abjekcie adnačasova pracavała kala 500 śpiecyjalistaŭ.
Na budaŭnictva kompleksu zabudoŭščyk vydatkavaŭ bolš za 60 miljonaŭ jeŭra. Usie kanstrukcyi tut — biełaruskija.
Zajšoŭšy ŭnutr vystavačnaha centra, naviedvalniki traplajuć u vielizarny pavietrany atryum (vyšynia ŭ im — bolš za 20 mietraŭ). Tut znachodzicca resepšn, kasy i razumnyja turnikiety, jakija pry nieabchodnaści navat vymiarajuć tempieraturu naviedvalnikaŭ.
Dach abstalavany padahrevam, kab u zimovyja miesiacy na im nie źbiraŭsia śnieh.
Budynak płoščaj 37 tysiač kvadratnych mietraŭ pieradajuć kampanii «Biełekspa», jakaja stanie apierataram centra.
Da 2017 hoda mižnarodnyja vystavy ŭ Minsku čaściej za ŭsio prachodzili ŭ budynku 1960-ch hadoŭ na vulicy Janki Kupały. Potym hety vystavačny centr źnieśli (na jaho miescy ŭžo staić hatel), a stalica na niekatory čas zastałasia biez hałoŭnaha vystavačnaha paviljona.
U novym kompleksie zaprajektavana 5 vystavačnych załaŭ, 5 kanhres-załaŭ i 4 kanfierenc-zały. Adnačasova vystavačny centr, jaki ŭźvioŭ deviełapier «Ryviersajd Deviełapmient Limited», moža pryniać 15 tysiač čałaviek.
U adnoj z kanfierenc-zału červieni hetaha hoda projdzie Jeŭrazijski ekanamičny forum.
Pobač ź joj znachodzicca pakoj dla vip-pierson z asobnym liftam, jaki viadzie ŭ restaran naviersie.
Ciapier u Minskim mižnarodnym vystavačnym centry staić ekspazicyja pryśviečana 80-hodździu Pieramohi.
Na druhim paviersie dziasiatki pierahavornych. Hetyja pamiaškańni možna budzie arandavać padčas praviadzieńnia mierapryjemstvaŭ.
Tut ža na druhim uzroŭni znachodzicca restaran «Lido», raźličany na 260 miescaŭ. Płanujecca, što chutka jon zapracuje na pastajannaj asnovie.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
Navat Nacyjanalnaja Biblijateka, ź jakoj paraŭnoŭvajuć, niekalki ŭtulniej.
Na ŭsich fota tolki 3 milicyjaniery ŭ čornym, 2 achoŭnika ŭ błakitnym i 1 apieratar videanazirańnia. Ludziej niama.
I nieviadoma dla čaho źniščyli reljef. Tut byŭ schił, jaho možna było vykarystać i abyhrać, tym bolš, u płoskaj Biełarusi. Nie, pierasunuli kiłatony ziamli, kab stała idealna roŭnieńka.
Aj:( Durnaja ŭłada durnaja va ŭsim.