Pamior biełaruski biblijafił ź Pieciarburha Anatol Łukoŭski
31 kastryčnika pamior pieciarburhski biblijafił i patryjot Biełarusi Anatol Iosifavič Łukoŭski.
U saviecki čas jon pracavaŭ majstram pa ramoncie pišučych mašynak: jeździŭ ad pradpryjemstva da pradpryjemstva, ad ustanovy da ŭstanovy i absłuhoŭvaŭ jak sučasnyja, tak i šmatlikija ŭ Leninhradzie darevalucyjnyja drukarki. Zaadnym naviedvaŭ šmatlikija bukinistyčnyja kniharni byłoj stalicy impieryi. Svabodna čytaŭ i havaryŭ na niekalkich zamiežnych movach: ruskaj, polskaj, niamieckaj. U pobycie karystaŭsia rodnaj, biełaruskaj. Jaho kalekcyja redkich vydańniaŭ pryśviečanych Biełarusi — vielizarnaja i ź luboŭju i viedaj sabranaja. Asabliva lubiŭ hieahrafičnyja i tapahrafičnyja karty.
Adna naha Anatola Iosifaviča była złamanaja - zdaryłasia heta, kali ŭ pačatku vajny niemcy bambili rodnyja Ružany. Mały Anatol zaloh za chlavom, niamieckaja bomba razarvałasia z supraćlehłaha boku, na nahu zvaliłasia belka - voś tak. «A viedaješ, čamu naha ŭpierad tyrčyć?» - pytaŭsia - «dyk ja tvaram nie ŭ ziamlu ŭtknuŭšysia lažaŭ, a na śpinie. Kab samaloty razhledzieć — cikava było».
Dziakujučy spadaru Łukoŭskamu jahony ziamlak-adnakłaśnik i viadomy ŭ Minsku mastak-płakatyst spadar Krukoŭski atrymaŭ redkija ekzemplary knih pra Biełaruś. Prynamsi treci tom «Žyvapisnaj Rasii» z sačynieńniem Adama Kirkora. Dziakujučy patryjarchu knihalubstva my ŭsie stali krychu lepšymi, čym byli da znajomstva ź im.
Pražyŭ 82 hady. Zahadaŭ pachavać siabie ŭ Ružanie.
Requiescat in rasie.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?11
Kamientary