U Bierlinie zabili «kalinoŭca» Hleba Malinoŭskaha
Palicyja Bierlina paviedamlaje pra zabojstva 28-hadovaha biełarusa ŭ adnym z parkaŭ horada. Jon pamior ad udaraŭ u «vierchniuju častku cieła».
Jak vyśvietliłasia, havorka idzie pra «kalinoŭca», pierakładčyka Hleba Malinoŭskaha.
Jon naradziŭsia ŭ 1987 hodzie ŭ Viciebsku. Baćka — unijacki śviatar Jaŭhien Malinoŭski, jaki z časam razam ź siamjoj pierajechaŭ u Baranavičy.
U 2005 hodzie Hleb pastupiŭ na fiłfak BDU, adnak paśla Płoščy-2006 źjechaŭ u Krakaŭ pa prahramie Kalinoŭskaha.
U Hleba zastałosia małoje dzicia.
Baćka Hleba raskazaŭ radyjo «Svaboda», što na jaho syna napali, kali jon išoŭ z restaracyi, dzie pracavaŭ pamočnikam kuchara:
«Abstaviny dakładna nie vyśvietlenyja. Išoŭ sa źmieny ŭnačy. Jaho znajšli ranicaj u aŭtorak sa śmiarotnym nažavym ranieńniem. Jon u nas taki, kantaktny, z adnaho boku, a z druhoha boku — kanfliktny, kali zachodzić ab spraviadlivaści… Ciapier Mikita, moj syn, tam, u Bierlinie, afarmlaje dastaŭku na Radzimu. My raźličvajem, što ŭ piatnicu-subotu musiać pryvieźci… Byli ŭ jaho svaje chiby, ale ŭ kaho ich niama? Jon pačynaŭ stanavicca na nohi.
Čaho tudy pajechaŭ? Bo ŭ jaho syn tam. Dziaŭčyna nie zachacieła za jaho vychodzić zamuž, a jon vielmi lubiŭ syna i vielmi tudy imknuŭsia.
Urešcie, musiła stanoŭča vyrašycca pytańnie ź vidam na žycharstva, i praca była, jon padaŭ dakumenty va ŭniviersitet, jamu zastavałasia krychu da skančeńnia».
U piatnicu ajciec Jaŭhien budzie adpiavać pamierłaha ŭ Baranavičach kiraŭnika TBM Viktara Syrycu i čakać syna.
U siamji Malinoŭskich, aproč zabitaha Hleba, jašče 6 dziaciej.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary