Francuzskija i bielhijskija śpiecsłužby viedali pra ekstremisckuju dziejnaść asob, zatrymanych u jakaści padazravanych u ździajśnieńni teraktaŭ u Paryžy 13 listapada.
Adnak śpiecsłužby nie zrabili nijakich zachadaŭ dla taho, kab niejtralizavać patencyjna niebiaśpiečnych bajevikoŭ, piša The Guardian.
«Čym bolš adkryvajecca infarmacyi ab teraktach u Paryžy 13 listapada, tym bolš jaŭnym stanovicca, što i francuzskija, i bielhijskija śpiecsłužby viedali ab ekstremisckaj dziejnaści zatrymanych pa padazreńni ŭ datyčnaści da ździajśnieńnia teraktaŭ», — adznačaje vydańnie.
Tak, u siłavikoŭ Bielhii i Francyi byli daśje na zatrymanych, u jakich jany byli paznačanyja jak radykały. Prynamsi, piaciora z zatrymanych vajavali ŭ Siryi, a zatym spakojna viarnulisia ŭ svaje damy ŭ Francyi ci Bielhii.
«My viedajem, što bolšaść hetych ludziej viarnulisia ź Siryi, i nichto nie spyniŭ ich», — cytuje The Guardian Natali Žulle, člena kamiteta zamiežnych spraŭ i abarony francuzskaha Sienata.
U Bielhii ŭžo stvoranaja parłamienckaja kamisija pa nahladzie za dziejnaściu raźviedvalnych słužbaŭ krainy i raspačataje rasśledavańnie ab słužbovaj chałatnaści supracoŭnikaŭ śpiecsłužbaŭ napiaredadni ataki.
Vydańnie taksama piša pra toje, što francuzskaja palicyja viała daśje na adnaho z napadnikaŭ na «Stad de Frans», Amara Ismaiła Mastefa, z 2010-ha hoda.
Viadoma, što Mastef adpraviŭsia ŭ Siryju ŭ 2013 hodzie i viarnuŭsia ŭ Francyju viasnoj 2014 hoda.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary