MZS Turcyi vyklikaŭ pasła RF u Ankary Andreja Karpava i zajaviŭ jamu pratest u suviazi z avijaŭdarami rasiejskich vajskoŭcaŭ pa turkmienskim sieliščy Bajyrbudžak na poŭnačy Siryi.
U zajavie tureckaha źniešniepalityčnaha viedamstva havorycca, što rasijskija vajennyja bambiać terytoryju, jakaja znachodzicca ŭ niepasrednaj blizkaści ad Turcyi.
U tym liku, pa infarmacyi tureckaha boku, udary pryjšlisia pa sieliščy Bajyrbudžak, dzie žyvuć siryjskija turkmieny.
«Vyśvietliłasia, što rasiejskija samaloty intensiŭna bambavali turkmienskija vioski ŭ rehijonie Bajyrbudžak na paŭnočnym zachadzie Siryi pablizu našaha pahranpierachoda Jajładah […] Było padkreślena, što dziejańni rasiejskaha boku nie źjaŭlajucca baraćboj z teraryzmam, ažyćciaŭlajucca bambardziroŭki mirnych turkmienskich viosak, i heta moža pryvieści da surjoznych nastupstvaŭ», — havorycca ŭ zajavie MZS Turcyi.
Ankara zapatrabavała ad Rasii «nieadkładna spynić apieracyju».
Jak stała viadoma ŭ čaćvier, rasijski ministr zamiežnych spraŭ Siarhiej Łaŭroŭ 25 listapada pryjazdžaje ŭ Turcyju ź vizitam. Płanujecca, što jon prymie ŭdzieł u pasiadžeńni rasijska-tureckaj Sumiesnaj hrupy stratehičnaha płanavańnia.
Kamientary